ବାଉଁଶୁଣି: ବୌଦ୍ଧ ଜିଲ୍ଲା ବାଉଁଶୁଣି ପୋଲିସ ଚଢାଉ କରି ୨୦୨ କେଜି ୫୦୦ ଗ୍ରାମ ଗଞ୍ଜେଇ ଓ ଏକ ବାଇକ୍ ଜବତ କରିଛି। ତେବେ ଅଭିଯୁକ୍ତ ଫେରାର ହୋଇଯାଇଛି। ବିଶ୍ଵସ୍ତ ସୂତ୍ରରୁ ଖବର ପାଇ ବାଉଁଶୁଣି ଥାନା ଅଧିକାରୀ ଅଞ୍ଜଳି ବିଶ୍ଵାଳଙ୍କ ନେତୃତ୍ୱରେ ବାଉଁଶୁଣି ଥାନାର ଏକ ଟିମ୍ ଆଜି ସକାଳ ୫ଘଣ୍ଟା ସମୟରେ ହିଲୁଙ୍ଗ ମହାନଦୀ କୂଳ ନିକଟରେ ଚଢ଼ାଉ କରିଥିଲେ। ଗଞ୍ଜେଇ ମାଫିଆ ମହାନଦୀ ପାର କରି ସୋନପୁର ଜିଲ୍ଲାକୁ ଡ଼ଙ୍ଗା ସାହାଯ୍ୟରେ ଗଞ୍ଜେଇ ଚୋରା ଚାଲାଣ ପାଇଁ ଡ଼ଙ୍ଗାକୁ ଅପେକ୍ଷା କରିଥିବା ବେଳେ ଘଟଣାସ୍ଥଳରେ ବାଉଁଶୁଣି ପୋଲିସ ପହଞ୍ଚି ଯାଇଥିଲେ। ପୋଲିସ ଭୟରେ ଗଞ୍ଜେଇ ଚାଲାଣକାରୀ ମହାନଦୀକୁ ଡେଇଁ କୁଆଡେ଼ ଖସି ଯାଇଥିବା ବେଳେ ମହାନଦୀ କଡ଼ରେ ରଖା ଯାଇଥିବା ଗଞ୍ଜେଇ ଓ ବାଇକକୁ ପୋଲିସ ତଦାରଖ କରି ଥାନାକୁ ଆଣିଛି। ଗଞ୍ଜେଇ ସବୁ ୨୦୨ କେଜି ୫୦୦ ଗ୍ରାମ ହୋଇଥିବା ବେଳେ ପୁଲିସ ଏକ ମାମଲା ରୁଜ୍ଜୁ କରି ତଦନ୍ତ ଜାରି ରଖିଛି।
Comments are closed.