ଚୌଦ୍ୱାର: ସାମାଜିକ ଗଣମାଧ୍ୟମରେ ପ୍ରକାଶିତ ଏକ ଖବରକୁୁ ନେଇ ସୋମବାର ବିଳମ୍ବିତ ରାତିରେ ସ୍ଥାନୀୟ ଅଞ୍ଚଳର କିଛି ଯୁବକ ଉନ୍ମତ କାଣ୍ଡ ଘଟାଇ ୨ଜଣକୁ ମାଡ଼ ମାରିବା ଓ କିଛି ୨ଚକିଆ ଗାଡ଼ି ଭଙ୍ଗାରୁଜା କରିବା ସହ ଗୋଟିଏ ପରିବାରକୁ ଭୟଭୀତ କରାଇଥିବା ଚୌଦ୍ୱାର ଥାନାରେ ଅଭିଯୋଗ ହୋଇଛି। ସୂଚନା ଅନୁଯାୟୀ ଚୌଦ୍ୱାର ମୁଣ୍ଡମାଳ ଗ୍ରାମର ସନତ୍ କୁମାର ପଣ୍ଡା ନାମକ ଜଣେ ଯୁବକ ଧର୍ମ ସମ୍ପର୍କିତ କିଛି ବାର୍ତ୍ତା ସମାଜିକ ଗଣମାଧ୍ୟମରେ ପୋଷ୍ଟ କରିଥିଲେ। ଏହାକୁୁ ନେଇ ଚୌଦ୍ୱାର ସୁଲତାନନଗରର ପପୁ ଚାନ୍ଦ ଏବଂ ତାଙ୍କର କିଛି ସହଯୋଗୀ ଉତ୍କ୍ଷିପ୍ତ ହୋଇ ବିଳମ୍ବିତ ରାତ୍ରିରେ ମୁଣ୍ଡମାଳସ୍ଥିତ ଜୟ ଜଗନ୍ନାଥ ସର୍ଭିସିଂ ସେଣ୍ଟରରେ ପହଞ୍ଚି ସନତକୁ ଖାଜିଥିଲେ। ତାକୁ ନପାଇବାରୁ ସେଣ୍ଟର ମାଲିକ ପ୍ରଭାତ ଓ ତାଙ୍କ ଭାଇ ପ୍ରକାଶକୁ ତମେ ସନତକୁ ଲୁଚାଇଥିବା କହି ଏକ ବେଲଚାରେ ଗୋଡେଇ ଗୋଡେଇ ଆକ୍ରମଣ କରିଥିଲେ। ଆକ୍ରମଣରେ ପ୍ରଭାତ ଗୁରୁତର ଆହତ ହୋଇଥିଲେ। ଉତ୍ୟକ୍ତ ଯୁବକମାନେ ସର୍ଭିସିଂ ସେଣ୍ଟରରେ ଥିବା କିଛି ୨ଚକିଆ ଓ ଚାରି ଚକିଆ ଗାଡ଼ି ଗୁଡ଼ିକୁ ଭଙ୍ଗାରୁଜା କରିବା ସହିତ ପପୁ ଫାଙ୍କା ଗୁଳି ଚାଳନା କରିଥିବା ପରିବାର ଲୋକେ ଅଭିଯୋଗ କରିଛନ୍ତି। ଅଭିଯୋଗକୁ ଭିତ୍ତିକରି ପୁଲିସ ତଦନ୍ତ ଆରମ୍ଭ କରିଛି।
Comments are closed.