ଫୁଲବାଣୀ: ଫୁଲବାଣୀର ତୁଳା ବେହେରା ନାମ୍ନୀ ଭିକ୍ଷୁକଙ୍କ ଚର୍ଚ୍ଚା ବର୍ତମାନ ସବୁ ଆଡ଼େ ଜୋର ଧରିଛି। ଗତ ୧୧ ତାରିଖ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ମହାନ ଭିକ୍ଷୁକ ମହିଳାଙ୍କୁ ହଜାର ହଜାର ଲୋକଙ୍କ ସମ୍ମୁଖରେ ସଭା ମଞ୍ଚରେ ମୁଣ୍ଡିଆ ମାରି ଆଶୀର୍ବାଦ ନେଇଥିଲେ। ତାପରେ ଏହି ଭିକ୍ଷୁକ ମହିଳାଙ୍କୁ ଶୁଭେଚ୍ଛା ଓ ସମାନର ସୁଅ ଛୁଟିବାରେ ଲାଗିଛି। ତୁଳା ବେହେରା ଜୀବନ ବ୍ୟାପି ଭିକ ମାଗି ମାଗି ଯାହା ସଞ୍ଚୟ କରିଥିଲେ, ସେଥିରୁ ଏକ ଲକ୍ଷ ଟଙ୍କା ୨୦୨୨ ମସିହା ଡିସେମ୍ବର ମାସରେ ଫୁଲବାଣୀ ଜଗନ୍ନାଥ ମନ୍ଦିରକୁ ଦାନ କରିଥିଲେ। ଯାହାକି ଆଜି ତାଙ୍କୁ ମହାନ କରିଦେଇଛି।
ଏହାକୁ ନେଇ ତୁଳା ମାଉସୀ ବହୁତ ଖୁସି ଥିବା ବେଳେ ତାଙ୍କୁ ବର୍ତମାନ ଶୁଭେଚ୍ଛାର ସୁଅ ଛୁଟିବାରେ ଲାଗିଛି। ଅଭିନେତ୍ରୀ ବିଦୁସ୍ମିତା ଆଜି ଫୁଲବାଣୀ ଜଗନ୍ନାଥ ମନ୍ଦିରକୁ ଆସି ତୁଳା ମାଉସୀଙ୍କ ଆବାସକୁ ଯାଇ ତାଙ୍କୁ ସାକ୍ଷାତ କରିବା ସହିତ ତାଙ୍କୁ ସାଲ ଦେଇ ସମ୍ମାନିତ କରିଛନ୍ତି ଏବଂ ତାଙ୍କୁ ମୁଣ୍ଡିଆ ମାରି ଆଶୀର୍ବାଦ ନେଇଛନ୍ତି। ପ୍ରାୟ ଅଧ ଘଣ୍ଟା ଧରି ତୁଳା ମାଉସୀଙ୍କ ସହିତ ଗପସପ ହୋଇ ଜଗନ୍ନାଥ ମନ୍ଦିର ପ୍ରାଙ୍ଗଣରେ ମାଉସୀଙ୍କ ସହିତ ମିଶି ଅନ୍ନ ପ୍ରସାଦ ଖାଇଥିଲେ। ଆଜି ଠାରୁ ତୁଳା ମାଉସୀଙ୍କୁ ସେ ମା’ ଭାବେ ଗ୍ରହଣ କରିଛନ୍ତି ଏବଂ ତାଙ୍କର ସବୁ ଭଲ ମନ୍ଦ ତାଙ୍କର ବୋଲି ବିଦୁସ୍ମିତା କହିଛନ୍ତି।
Comments are closed.