ଫୁଲବାଣୀ: ବାରମ୍ବାର ଲୋକଙ୍କ ଦାବି ଫଳରେ ଟାୱାର ନିର୍ମାଣ ହେଲା, କିନ୍ତୁ ନିର୍ମାଣ ହେବାର ଇତି ମଧ୍ୟରେ ଦେଢ ବର୍ଷ ବିତିଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ଅଞ୍ଚଳରେ ନେଟୱାର୍କ ଆସୁନାହିଁ। ଏହାର ପ୍ରତିବାଦରେ ଆଜି ଅଚାନକ ଭାବେ କନ୍ଧମାଳ ଜିଲା କୋଟଗଡ଼଼ ବ୍ଳକ ଅନ୍ତର୍ଗତ ଓରା ପଞ୍ଚାୟତର ଅଧିବାସୀ ମାନେ ତୁରନ୍ତ ନେଟୱାର୍କ ଚାଲୁ କରିବା ଦାବି କରି ବ୍ଳକ ଅଫିସ୍ ଘେରାଉ କରିଥିଲେ। ଶହ ଶହ ସଂଖ୍ୟରେ ଅଞ୍ଚଳବାସୀ ବ୍ଳକ ଅଫିସ୍ ଘେରାଉ କରିବା ସହିତ ରାସ୍ତା ଅବରୋଧ ଯୋଗୁଁ ଉକ୍ତ ରାସ୍ତାଦେଇ ଯାନ ବାହାନ ଚଳାଚଳ ହୋଇ ପାରିନଥିଲା। ଦାବି ପୁରଣ ନହେବା ପର୍ଯ୍ୟନ୍ତ ରାସ୍ତା ଅବରୋଧ ଜାରି ରହିବ ବୋଲି ଅଞ୍ଚଳବାସୀ ଜିଦ୍ ଧରିଥିବା ବେଳେ ଖବର ପାଇ ବ୍ଳକ ପ୍ରଶାସନ, ପୁଲିସ୍ ପ୍ରଶାସନ ଓ ଅନ୍ୟମାନେ ଆନ୍ଦୋଳନକାରୀଙ୍କ ପାଖରେ ପହଞ୍ଚି ବୁଝାସୁଝା କରିଥିବାର ଜଣାଯାଇଛି।
Comments are closed.