ସମ୍ବଲପୁର: ସ୍ଥାନୀୟ ଝାଡୁଆପଡା ସ୍ଥିତ ଆରଣ୍ୟକ ମଣ୍ଡପରେ ଶନିବାର ସମ୍ବଲପୁର ଜିଲା ହସ୍ତଶିଳ୍ପୀ ଓ ବୁଣାକାର ସମାବେଶ ଅନୁଷ୍ଠିତ ହୋଇଥିଲା। ଏହି କାର୍ୟ୍ୟକ୍ରମରେ ଓଡ଼ିଶା ଶିଳ୍ପୀ ମହାସଂଘ ର ରାଜ୍ୟ ସ୍ତରୀୟ ପଦାଧିକାରୀ ମାନେ ଉପସ୍ଥିତ ଥିଲେ। ଏହି ଅବସରରେ ହସ୍ତଶିଳ୍ପୀ ଓ ବୁଣାକାର ମାନଙ୍କ ସାମାଜିକ ସୁରକ୍ଷା ନେଇ ଏକ ଆଳୋଚନା ଚକ୍ର ଅନୁଷ୍ଠିତ ହେବାସହ ଓଡ଼ିଶା ଶିଳ୍ପୀ ମହାସଂଘ ସମ୍ବଲପୁର ଜିଲାର ନୂତନ ପଦାଧିକାରୀଙ୍କୁ ଚୟନ କରାଯାଇ ଦାୟିତ୍ଵ ମଧ୍ୟ ପ୍ରଦାନ କରାଯାଇଥିଲା। ଏହି କାର୍ୟ୍ୟକ୍ରମରେ ଜିଲାର ବିଭିନ୍ନ ଅଞ୍ଚଳରୁ ହସ୍ତଶିଳ୍ପୀ ଓ ବୁଣାକାର ମାନେ ଯୋଗ ଦେଇଥିବା ବେଳେ ହସ୍ତଶିଳ୍ପୀ ଓ ବୁଣାକାର ମାନଙ୍କ ଏକତା ଓ ତାର ଆବଶ୍ୟକତା, କାରିଗରଙ୍କ ବିକାଶ ପାଇଁ ମାର୍କେଟି କୈ।ଶଳ, ଶିଳ୍ପୀ ଓ କାରିଗରୀଙ୍କୁ ପ୍ରୋତ୍ସାହନର ଆବଶ୍ୟକତା, ବୁଣିକାର ଓ ଶିଳ୍ପୀଙ୍କ ସମସ୍ୟା ଉପରେ ଆଳୋଚନା ସହ ତାର ସମାଧାନ ଉପରେ ବିସ୍ତ୍ରୁତ ଭାବରେ ଚର୍ଚ୍ଚା ହୋଇଥିଲା। ଏହି କାର୍ୟ୍ୟକ୍ରମରେ ବହୁ ପ୍ରତିଭାବାନ ବୁଣାକାର ଓ ହସ୍ତଶିଳ୍ପୀ ଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା।
Comments are closed.