ଗୁରୁଡ଼ିଝାଟିଆ: ଲୋକ ସେବକ ମଣ୍ଡଳ ଓ ସମାଜ ଦ୍ୱାରା ମାଧବପୁର ଠାରେ ପ୍ରତିଷ୍ଠିତ ଗୋପବନ୍ଧୁ ସେବିକା ମହାବିଦ୍ୟାଳୟରେ ଶାମ୍ବଦଶମୀ ପାଳିତ ହୋଇଛି। ପରିସରସ୍ଥ ଆଧ୍ୟାତ୍ମିକ କେନ୍ଦ୍ରରେ ଶାସ୍ତ୍ରୀୟ ବିଧିମୁତାବକ ସୂର୍ଯ୍ୟପୂଜା କରାଯାଇଥିଲା। ଲୋକସେବକ ମଣ୍ଡଳ ଓଡ଼ିଶା ଶାଖାର ସଭାପତି ତଥା ପ୍ରତିଷ୍ଠାନ ପରିଚାଳନା କମିଟି ଅଧ୍ୟକ୍ଷ ନିରଞ୍ଜନ ରଥ ମୁଖ୍ୟ ଅତିଥି ଭାବରେ ଯୋଗଦେଇ ଆମ ସଂସ୍କୃତି ଓ ପରମ୍ପରାରେ ଶାମ୍ବଦଶମୀର ଗୁରୁତ୍ୱ ସଂପର୍କରେ ଆଲୋକପାତ କରିବା ସହ ଶାପଗ୍ରସ୍ତ ହୋଇ ବ୍ୟାଧିରେ ପିଡୀତ ଶାମ୍ବ ସୂର୍ଯ୍ୟପୂଜା କରି କିପରି ଆରୋଗ୍ୟଲାଭ କରିଥିଲେ ସେ ସଂପର୍କରେ ବିଦ୍ୟାର୍ଥୀଙ୍କୁ କହିଥିଲେ। ଉପସ୍ଥିତ ସମସ୍ତ ବିଦ୍ୟାର୍ଥୀ, ଅଧ୍ୟାପିକା,ଅଧ୍ୟାପକ, ଚିକିତ୍ସାଳୟ କର୍ମଚାରୀମାନେ ଓ ସ୍ଥାନୀୟ ଗ୍ରାମର ମୁରବୀ ଉପସ୍ଥିତ ରହି ସର୍ଯ୍ୟସ୍ତବଃ ପାଠ କରିଥିଲେ। ସୂର୍ଯ୍ୟଦେବଙ୍କୁ ଭୋଗ ଅର୍ପଣ ପରେ ବିଦ୍ୟାର୍ଥୀ ଓ ସମବେତ ବ୍ୟକ୍ତିମାନେ ପ୍ରସାଦ ସେବନ କରିଥିଲେ। ସେବିକା ମହାବିଦ୍ୟାଳୟ ଅଧ୍ୟକ୍ଷ ଏଡଉଇନ ଆନନ୍ଦ ,ମଧୁସ୍ମୀତା ରାଉତ, ସୌଦାମିନୀ ସାହୁ ପ୍ରମୁଖ ଅଧ୍ୟାପିକା ଉପସ୍ଥିତ ରହିଥିଲେ।
Popular Categories
Previous article
Next article