ସିଲିକନ୍ ଭ୍ୟାଲିରେ ବରିଷ୍ଠ ନେତୃତ୍ବଙ୍କ ସହ ଓଡ଼ିଶା ପ୍ରତିନିଧି ଦଳର ଆଲୋଚନା

ଭୁବନେଶ୍ବର : ଆମେରିକା ଗସ୍ତରେ ଥିବା ଓଡ଼ିଶା ସରକାରଙ୍କ ପ୍ରତିିନିଧି ଦଳ ଗୁରୁବାର ସିଲିକନ୍ ଭ୍ୟାଲିରେ ସେମିକଣ୍ଡକ୍ଟର କମ୍ପାନୀ ଏବଂ ଭେଞ୍ଚର କ୍ୟାପିଟାଲ ଫାର୍ମର ବରିଷ୍ଠ ନେତୃତ୍ବଙ୍କ ସହ ଆଲୋଚନା କରିଛନ୍ତି। ପ୍ରଥମେ ଆଡ୍‌ଭାନ୍ସଡ୍ ସେମିକଣ୍ଡକ୍ଟର ଇଞ୍ଜିନିୟରିଂ (ଏଏସ୍ଇ)ର ବରିଷ୍ଠ ଉପସଭାପତି ଇନ୍ ଚାଙ୍ଗ୍‌ଙ୍କୁ ଭେଟିଥିଲେ ପ୍ରତିନିଧି ଦଳ। ତାଇୱାନ୍, ଚୀନ୍, ଜାପାନ, ମାଲେସିଆ, କୋରିଆ ଏବଂ ସିଙ୍ଗାପୁର ଆଦିରେ ଏହି କମ୍ପାନୀର ଉପସ୍ଥିତି ରହିଛି। ପ୍ରତିନିଧି ଦଳ ଓଡ଼ିଶା ଶିଳ୍ପାୟନ ପରିଦୃଶ୍ୟ ଏବଂ ବିଭିନ୍ନ ନୀତି ମାଧ୍ୟମରେ ପ୍ରୋତ୍ସାହନ ସମ୍ପର୍କରେ କମ୍ପାନୀ ଟିମ୍‌କୁ ଅବଗତ କରିଥିଲେ। କମ୍ପାନୀ ଏକ ବିସ୍ତୃତ ପ୍ରସ୍ତାବ ଦାଖଲ କରିବ ଏବଂ ମୂଲ୍ୟାୟନ ପାଇଁ ଏକ ଟିମ୍‌ ଓଡ଼ିଶାକୁ ପଠାଇବ ବୋଲି ସୂଚନା ଦିଆଯାଇଛି। ସେହିପରି ଆଇଟି, ଭେଞ୍ଚର କ୍ୟାପିଟାଲ, ଇଲେ‌େ‌କ୍ଟ୍ରାନିକ୍ସ ଏବଂ ସେମିକଣ୍ଡକ୍ଟର, ରୋବୋଟିକ୍ସ ଆଦି କ୍ଷେତ୍ରର ୪୦ ଅଗ୍ରଣୀ ସିଇଓ ଏବଂ ମୁଖ୍ୟ ଏକ୍ସପେରିଏନ୍ସ ଅଧିକାରୀଙ୍କ ସହ ପ୍ରତିନିଧି ଦଳ ଆଲୋଚନା କରିଥି‌େ‌ଲ। ଏଥିରେ ମେଟା, ଗୁଗୁଲ, ଡେଲ୍, ଇଣ୍ଟେଲ୍, ସୋନି, ଆମାଜନ୍ ଏଡବ୍ଲ୍ୟୁଏସ୍, ଫାଲକନ୍ ଏକ୍ସ ଆଦିର ମୁଖ୍ୟ ପ୍ରତିନିଧିମାନେ ସାମିଲ ଥିଲେ। ଓଡ଼ିଶା ସରକାରଙ୍କ ଉଦ୍ୟମକୁ ପ୍ରଶଂସା କରିବା ସହ ରାଜ୍ୟରେ ଏକ ସୁଦୃଢ଼ ସେମିକଣ୍ଡକ୍ଟର ଏବଂ ଏଆଇ/ଏମ୍‌ଏଲ୍ ପରିଦୃଶ୍ୟ ପ୍ରତିଷ୍ଠାରେ ସହାୟତା ପାଇଁ ସେମାନେ ଆଗ୍ରହ ପ୍ରକାଶ କରିଥିଲେ। ସେହିପରି ଇଣ୍ଟେଲ ଜେନେରାଲ ମ୍ୟାନେଜର ହୁମା ଆବିଡି ଏଆଇ/ଏମ୍ଏଲ୍ ଶିକ୍ଷାଦାନ ଜରିଆରେ ଗ୍ରାମୀଣ ଏବଂ ଜନଜାତି ବାଳିକାଙ୍କୁ ଶିକ୍ଷା ସହାୟତା ପାଇଁ ଆଗ୍ରହ ଦେଖାଇଛନ୍ତି।