ଆଜି ଚିହ୍ନଟ ୬୫ ଜଣଙ୍କ ସମ୍ପର୍କରେ ତଥ୍ୟ ପ୍ରଦାନ କଲେ ରାଜ୍ୟ ସରକାର

ଭୁବନେଶ୍ଵର : ରାଜ୍ୟରେ ଆଜି ଆଉ ୬୫ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୭୩୭ରେ ପହଞ୍ଚିଛି । ଆଜି ଚିହ୍ନଟ ହୋଇଥିବା ୬୫ ଜଣଙ୍କ ମଧ୍ୟରେ ୬୨ଜଣ ସଙ୍ଗରୋଧ କେନ୍ଦ୍ରରେ ଥିବା ବେଳେ ୩ଜଣ ହୋମ୍ କ୍ବାରେଣ୍ଟାଇନରେ ଥିଲେ ବୋଲି ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ଟ୍ବିଟ ଯୋଗେ ସୂଚନା ଦିଆଯାଇଛି ।  ଆଜି ଚିହ୍ନଟ ହୋଇଥିବା ୬୫ ଜଣଙ୍କ ମଧ୍ୟରୁ ଯାଜପୁର ଜିଲ୍ଲାରୁ ୩୧, ଗଞ୍ଜାମ ଜିଲ୍ଲାରୁ ୧୩, ପୁରୀରୁ ୪, ଭଦ୍ରକରୁ ୬ , ଖୋର୍ଦ୍ଧା ଜିଲ୍ଲାରୁ ୩, ମୟୂରଭଞ୍ଜ ଓ ନୟାଗଡରୁ ୨ , କେନ୍ଦ୍ରାପଡ଼ା ଜିଲ୍ଲାରୁ ୪ ଓ କଟକ ଜିଲ୍ଲାରୁ ୬ ଜଣ ନୂଆ ଆକ୍ରାନ୍ତ ଠାବ ହୋଇଥିବା ସୂଚନା ମିଳିଛି ।

03 cases in Khurdha
( 2 in quarantine centres, 1 WB, 1 Surat & 1 In home quarantine)

31 cases in Jajpur
(All in quarantine centres, 30 WB returnees & 1 Jharkhand returnee)

— I & PR Department, Odisha (@IPR_Odisha) May 16, 2020

ଆଜି ଯାଜପୁରରୁ ଚିହ୍ନଟ ହୋଇଥିବା ୩୧ ଜଣଙ୍କ ମଧ୍ୟରେ ୩୦ ଜଣ ପଶ୍ଚିମବଙ୍ଗରୁ ଫେରିଥିବା ବେଳେ ଜଣେ ଝାଡଖଣ୍ଡରୁ ଆସିଥିଲେ । ସେହିପରି ଗଞ୍ଜାମ ଜିଲାରୁ ଚିହ୍ନଟ ୧୩ ଜଣଙ୍କ ମଧ୍ୟରେ ୧୨ ଜଣ ସୁରଟ ଫେରନ୍ତା ଜଣେ ହୋମ କ୍ବାରେଣ୍ଟାଇନରେ ଥିଲେ । କେନ୍ଦ୍ରାପଡା ଜିଲାରୁ ଚିହ୍ନଟ ୪ ଜଣ ସୁରତ ଫେରନ୍ତା ବୋଲି ଜଣାପଡିଛି । ଆଜି କଟକରୁ ଚିହ୍ନଟ ୬ ଜଣ ଅହମଦାବାଦରୁ ଫେରିଥିଲେ । ମୟୁରଭଞ୍ଜରୁ ଚିହ୍ନଟ ଦୁଇ ଜଣ ସୁରତ ଫେରନ୍ତା ।  ପୁରୀରୁ ଚିହ୍ନଟ ୪ ଜଣ ପଶ୍ଚିମବଙ୍ଗ ଚିହ୍ନଟ ହୋଇଥିବା ସୂଚନା ମିଳିଛି । ସେହିପରି ନୟାଗଡରୁ ଚିହ୍ନଟ ହୋଇଥିବା ୨ ଜଣ ସୁରତ ଫେରନ୍ତା ଏବଂ ଖୋର୍ଦ୍ଧାରୁ ଚିହ୍ନଟ ୩ ଜଣଙ୍କ ମଧ୍ୟରେ ଜଣେ ସୁରତ ଫେରନ୍ତା, ଜଣେ ପଶ୍ଚିମବଙ୍ଗ ଫେରନ୍ତା ଏବଂ ଜଣେ ହୋମ କ୍ବାରେଣ୍ଟାଇନରେ ରହିଥିଲେ ବୋଲି ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ସୂଚନା ଦେଇଛି ।

02 cases in Mayurbhanj
(All in quarantine centres, Surat returnees)

6 cases in Cuttack
( All in quarantine centres, Ahmedabad returnees)

02 cases in Nayagarh
(All in quarantine centres, Surat returnees)

04 cases in Puri
( All in quarantine centres, WB returnees)

— I & PR Department, Odisha (@IPR_Odisha) May 16, 2020

ଏହାଫଳରେ ଗଞ୍ଜାମ ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ୨୭୭, ବାଲେଶ୍ବରରେ ୧୦୨, ଯାଜପୁରରେ ୧୨୧ , ସୁନ୍ଦରଗଡ଼ରେ ୨୫ , ପୁରୀରେ୧୮, କେନ୍ଦ୍ରାପଡ଼ାରେ ୨୬. ଅନୁଗୁଳରେ ୧୫,ଖୋର୍ଦ୍ଧାରେ ୫୬, ଦେବଗଡ଼ରେ ୨ , ଭଦ୍ରକରେ ୪୬, ନୟାଗଡ଼ରେ ୬, ମୟୂରଭଞ୍ଜ ଜିଲ୍ଲାରେ ୧୧ ଓ ଜଗତସିଂହପୁରରେ ସଂକ୍ରମିତଙ୍କ ସଂଖ୍ୟା ୫ରେ ପହଞ୍ଚିଛି। ଏଥି ସହିତ ଏବେ ରାଜ୍ୟରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୫୬୮ ଥିବା ବେଳେ, ସୁସ୍ଥ ହୋଇଥିବା ଲୋକଙ୍କ ସଂଖ୍ୟା ୧୬୬ରେ ପହଞ୍ଚିଛି। ରାଜ୍ୟରେ ଏଯାବତ୍ ୩ଜଣ କରୋନା ଆକ୍ରାନ୍ତଙ୍କର ମୃତ୍ୟୁ ଘଟିଛି।