ଭୁବନେଶ୍ୱର : କଂଗ୍ରେସ ମହିଳା ମୋର୍ଚ୍ଚା ଗୁରୁବାର ପୂର୍ବାହ୍ନରେ ନବୀନ ନିବାସ ଘେରାଉ ପାଇଁ ଯାଉଥିବା ବେଳେ ପୁଲିସ-କଂଗ୍ରେସ କର୍ମୀ ମୁହାଁମୁହିଁ ହୋଇଛନ୍ତି। ଶିଶୁଭବନ ଛକରେ ପୁଲିସ ସେମାନଙ୍କୁ ଅଟକାଇବାରୁ ଉଭୟ ପକ୍ଷ ମଧ୍ୟରେ ଧସ୍ତାଧସ୍ତି ହୋଇଛି। ଏହି ଧସ୍ତାଧସ୍ତି, ଠେଲାପେଲାରେ ଜଣେ ମହିଳା କଂଗ୍ରେସ କର୍ମୀ ଅଚେତ ହୋଇଥିବା ଜଣାପଡ଼ିଛି।
ସୂଚନା ଅନୁସାରେ, ପିପିଲି ଗଣବଳାତ୍କାର ମାମଲାରେ କୃଷିମନ୍ତ୍ରୀ ପ୍ରଦୀପ ମହାରଥୀଙ୍କ ମନ୍ତ୍ୱବ୍ୟକୁ ନେଇ କଂଗ୍ରେସ ମହିଳା କର୍ମୀ ନବୀନ ନିବାସ ଘେରାଉ ପାଇଁ ଯାଉଥିଲେ। ମହାରଥୀଙ୍କ ସହ ରାଜସ୍ୱ ମନ୍ତ୍ରୀ ମହେଶ୍ୱର ମହାନ୍ତି ମହିଳା କଂଗ୍ରେସର ସମାଲୋଚନା ପରିସର ମଧ୍ୟକୁ ଆସିଛନ୍ତି। ତେବେ ବୁଧବାର ବିଜେପି ମହିଳା କର୍ମୀ ମଧ୍ୟ ନବୀନ ନିବାସ ଘେରାଉ ପାଇଁ ଯାଇ ପୁଲିସକୁ ନାକେଦମ କରିଥିଲେ। ଯେପର୍ଯ୍ୟନ୍ତ ମହାରଥୀ ପଦରୁ ଇସ୍ତଫା ଦେଇନାହାନ୍ତି ଆନ୍ଦୋଳନ ଏହିପରି ଜାରି ରହିଥିବ ବୋଲି କଂଗ୍ରେସ ମହିଳା କର୍ମୀ କହିଛନ୍ତି।
