ସାକ୍ଷୀଗୋପାଳ : ସତ୍ୟବାଦୀର ବକୁଳ ବନଠାରେ ରାଜ୍ୟ ସରକାରଙ୍କ ଦ୍ୱାରା ପ୍ରତିଷ୍ଠା କରାଯାଉଥିବା ଓଡ଼ିଆ ବିଶ୍ୱବିଦ୍ୟାଳୟ ନିର୍ମାଶ କାର୍ଯ୍ୟର ଅଗ୍ରଗତି ସ୍ଥିତି ନେଇ ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତରାୟ ଓ ପୁରୀ ଜିଲ୍ଲାପାଳ ସାମର୍ଥ ବର୍ମାଙ୍କ ସମେତ ଉପଜିଲ୍ଲାପାଳ ଭବତାରଣ ସାହୁ, ତହସିଲଦାର ଜୟନ୍ତ କୁମାର ଜୟସିଂ ଓ ଅନ୍ୟ ବିଭାଗୀୟ ଅଧିକାରୀମାନେ ଅନୁଧ୍ୟାନ କରିଛନ୍ତି।ବିଧାୟକ ଓ ଜିଲ୍ଲାପାଳ ବିଶ୍ୱବିଦ୍ୟାଳୟର ଆଡ଼ମିନ ବ୍ଲକ, ସ୍କଲାର ହଷ୍ଟେଲ, କାଫେଟାରିଆ, ଛାତ୍ରାବାସ, ପାଠାଗାର, ରାଧାକୁଣ୍ଡ ତୀର୍ଥ ପୁଷ୍କରିଣୀ ଆଦିର କାର୍ଯ୍ୟ ବୁଲି ଦେଖିଥିଲେ । ନିର୍ମାଣ କାର୍ଯ୍ୟ ଦାୟିତ୍ୱରେ ରହିଥିବା ଓବିସିସିର ବରିଷ୍ଠ ଅଧିକାରୀ ଓ ଠିକାଦାର ଭୁବନେଶ୍ୱର ଆଚାର୍ଯ୍ୟ ବ୍ରଦର୍ସର ଅଧିକାରୀ ମାନେ ଉପସ୍ଥିତ ରହି ବିଧାୟକ ଓ ଜିଲ୍ଲାପାଳଙ୍କୁ ସମସ୍ତ ସୂଚନା ପ୍ରଦାନ କରିଥିଲେ। ଆଗାମୀ ସେପ୍ଟେମ୍ବର ୫ ତାରିଖ ସୁଦ୍ଧା ବିଶ୍ୱ ବିଦ୍ୟାଳୟର ନିର୍ମାଣ କାର୍ଯ୍ୟ ସାରିବା ପାଇଁ ଜିଲ୍ଲାପାଳ ଶ୍ରୀ ବର୍ମା, ଓବିସିସି ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । ସାକ୍ଷୀଗୋପାଳ କଲେଜ ଛକ ରାସ୍ତାରେ ବିଶ୍ୱବିଦ୍ୟାଳୟ ନାମରେ ଏକ ସୁନ୍ଦର ତୋରଣ କରାଯିବା ପାଇଁ ବିଧାୟକ ସାମନ୍ତରାୟ ପ୍ରସ୍ତାବ ଦେଇଥିଲେ।
Comments are closed.