ଦେଖନ୍ତୁ ଭିଡିଓ: ଲାଞ୍ଚ ନେଉଥିବା ବେଳେ ଧରିଲା ସିବିଆଇ- ଭୟରେ ଏପରି କଲେ ହେଡ୍ କନେଷ୍ଟବଳ

ନୂଆଦିଲ୍ଲୀ – ଦିଲ୍ଲୀର ପୁଲିସ ସେବା କେନ୍ଦ୍ର ସରକାରଙ୍କ ଅଧିନରେ ଅଛି । ଏଥିରେ କୌଣସି ଦୁର୍ନୀତି ହେଲେ ସିବିଆଇ ଏହାର ତଦନ୍ତ କରିଥାଏ । ଏପରିକି ଦୁର୍ନୀତିଗ୍ରସ୍ତ ଅଧିକାରୀଙ୍କୁ ସିବିଆଇ ଧରିଥାଏ । ଦିଲ୍ଲୀ ପୁଲିସର ଜଣେ ହେଡ୍‌କନେଷ୍ଟବଳ ଲାଞ୍ଚ ନେଉଥିବା ବେଳେ ସିବିଆଇ ତାଙ୍କୁ ଧରିଛି । ଏହି ଘଟଣା ସିସିଟିଭିରେ କଏଦ୍‌ ହୋଇଛି । ମାତ୍ର ସିବିଆଇ ତାଙ୍କୁ ଗିରଫ କରୁଥିବା ଜାଣିଥିବା ବେଳେ ହେଡ୍‌କନେଷ୍ଟବଳ ଡରିଯାଇଥିଲେ । ସେ ଭୟରେ ସେହି ସ୍ଥାନରୁ ଦୌଡିଥିଲେ । ମାତ୍ର ସିବିଆଇ ଅଧିକାରୀମାନେ ଲାଞ୍ଚୁଆ ପୁଲିସ କର୍ମଚାରୀଙ୍କୁ ମାଡି ବସିଥିଲେ ।

#WATCH | CCTV footage of CBI raid under Mangolpuri Police Station area in Delhi on 10th July where one of the accused Head Constable Bheem Singh was seen attempting to flee, but he was caught. CBI has registered FIR against two head constables in a bribery case.

(Source: CCTV… pic.twitter.com/qeoka3n40t

— ANI (@ANI) July 12, 2023

ଘଟଣାଟି ଥିଲା ଏହିପରି । ଦିଲ୍ଲୀ ପୁଲିସର ଜଣେ ହେଡ କନେଷ୍ଟବଳ ଜଣେ ଦୋକାନୀ ମାଲିକଙ୍କୁ ଲାଞ୍ଚ ମାଗିଥିଲେ । ବିକ୍ରି ସମୟରେ ତାଙ୍କ ଦୋକାନା ଆଗରେ ହେଉଥିବା ପାର୍କିଂକୁ ଅଣ ଦେଖା କରିବା ପାଇଁ ସେ ଏହି ଲାଞ୍ଚ ମାଗିଥିଲେ । ନହେଲେ ସେ ସମସ୍ତ ଗାଡିରୁ ଜରିମାନା ଆଦାୟ କରିବେ, ତାଙ୍କ ଦୋକାନର ବିକ୍ରି କମିଯିବ ବୋଲି କହିଥିଲେ । ଏହାପରେ ଦୋକାନୀ ଜଣଙ୍କ ନିୟମ ଅନୁଯାୟୀ ସିବିଆଇରେ ଅଭିଯୋଗ କରିଥିଲେ ।

ହେଡକନେଷ୍ଟବଳ ୫୦ହଜାର ଟଙ୍କା ଲାଞ୍ଚ ନେବା ପାଇଁ ଆସିଥିଲେ । ଏହି ସମୟରେ ସିବିଆଇ ତାଙ୍କୁ ଧରିଥିଲା । ମାତ୍ର ଭୟରେ ହେଡ୍‌କନେଷ୍ଟବଳ ସେଠାରୁ ଦୌଡିଥିଲେ । ସିବିଆଇ ଟିମ୍‌ର ସଦସ୍ୟ ଏହି ହେଡ୍‌ କନେଷ୍ଟବଳଙ୍କୁ ପ୍ରମାଣ ସହ ଗିରଫ କରିଛନ୍ତି ।