ପାତ୍ରପୁର: ଦାଦନ ଖଟିବାକୁ ତାମିଲନାଡୁର କୋୟମ୍ବାଟୁର ଯାଇଥିବା ଗଞ୍ଜାମ ଜିଲା ପାତ୍ରପୁର ବ୍ଲକ ତୁରୁବୁଡି ପଞ୍ଚାୟତ ଚଲଣା ପାହାଡ଼ ଗ୍ରାମର ଜଣେ ଆଦିବାସୀ ଯୁବକଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ମୃତ ଯୁବକ ଜଣକ ଚଲଣା ପାହାଡ଼ ଗ୍ରାମର ସନ୍ତୋଷ ଜାନୀ ଏବଂ ତାଙ୍କ ବୟସ ୨୮ବର୍ଷ ବୋଲି ଜଣାପଡିଛି। ସନ୍ତୋଷ କିଛି ଯୁବକଙ୍କ ସହିତ ଦାଦନ ଖଟିବାକୁ କୋୟାମ୍ବଟୁର ଯାଇ ସୋନାଲ ମେଟାଲ କମ୍ପାନୀରେ କାମ କରୁଥିଲେ। ମାସକ ତଳେ ସେ ଗ୍ରାମକୁ ଆସି ଗତ ୬ ତାରିଖରେ ପୁଣି ଫେରିଥିଲେ। ସେହି କମ୍ପାନୀରେ କାମ ନ ମିଳିବାରୁ ଅନ୍ୟ କମ୍ପାନୀରେ କାମ ଖୋଜୁଥିବା ବେଳେ ଥଣ୍ଡା ଜ୍ବରରେ ଆକ୍ରାନ୍ତ ହୋଇ ଚିକିତ୍ସିତ ହେବା ସହିତ ନିଜ ସାଙ୍ଗ ପାଖରେ ରହୁଥିଲେ। ତେବେ ଗତ ୯ ତାରିଖରେ ତାଙ୍କୁ ପୁଣି ପ୍ରବଳ ଜ୍ବର ହେବାରୁ ତୁରନ୍ତ ସାଙ୍ଗମାନେ ତାଙ୍କୁ ନିକଟ ଏକ ଘରୋଇ ଡାକ୍ତରଖାନାକୁ ନେଇ ଚିକିତ୍ସା କରିଥିଲେ। ତେବେ ତାଙ୍କ ସ୍ଵାସ୍ଥ୍ୟ ଅବସ୍ଥା ଗୁରୁତର ହେବାରୁ ଡାକ୍ତରଙ୍କ ପରାମର୍ଶ କ୍ରମେ ସରକାରୀ ଡାକ୍ତରଖାନାକୁ ୧୩ ତାରିଖରେ ସ୍ଥାନାନ୍ତର କରିଥିଲେ। ସେଠାରେ ତାଙ୍କୁ ଆଇସିୟୁରେ ରଖି ଚିକିତ୍ସା କରାଯାଉଥିଲା। ହେଲେ ୧୭ ତାରିଖ ଭୋର ସମୟରେ ତାଙ୍କର ମୃତ୍ୟୁ ଘଟିଥିଲା। ମୃତ୍ୟୁ ଖବର ପରେ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି। ତାଙ୍କ ପରିବାର ଗରିବ ଅତି ଗରିବ ହୋଇଥିବାରୁ ପ୍ରଶାସନ ପକ୍ଷରୁ ତାଙ୍କୁ ସହାୟତା ଯୋଗାଇଦେବାକୁ ଦାବି ହୋଇଛି।
Popular Categories
Previous article
Next article