ଶ୍ରବଣ ଅଗ୍ରୱାଲଙ୍କ ପତ୍ନୀ ନିକିତାଙ୍କୁ ଜେରା

ସମାଜ ଡିଜିଟାଲ ଡେସ୍କ: ରାଉରକେଲାରେ ବିସ୍ଫୋରକ ଗୋଦାମ ମାଲିକ ଶ୍ରବଣ ଅଗ୍ରୱାଲଙ୍କ ପତ୍ନୀ ନିକିତା ଅଗ୍ରୱାଲଙ୍କୁ ଜେରା କରୁଛି ଏସଆଇଟି । ରାଉରକେଲା ରଘୁନାଥପାଲି ଥାନାରେ ନିକିତାଙ୍କୁ ପୁଲିସ ଓ ଏସଆଇଟି ଟିମ୍‍ ପଚରାଉଚରା କରୁଛନ୍ତି । ନିକିତା ଅଗ୍ରୱାଲଙ୍କ ନାଁରେ ରହିଛି ଗୋଟିଏ ବାରୁଦ ଗୋଦାମ । ପୂର୍ବରୁ ଗିରଫ ହୋଇ ଜେଲରେ ଅଛନ୍ତି ଗୋଦାମର ମାଲିକ ଶ୍ରବଣ ଅଗ୍ରୱାଲ ।

ଶ୍ରବଣ ଅଗ୍ରୱାଲଙ୍କ ନାମରେ ମେସର୍ସ ଗର୍ଗ ବ୍ଲାଷ୍ଟ ସର୍ଭିସ୍‍ ର ଦୁଇଟି ଓ ପତ୍ନୀ ନିକିତା ଅଗ୍ରୱାଲଙ୍କ ନିକିତା ଏଣ୍ଟରପ୍ରାଇଜେସ୍‍ ନାମରେ ଦୁଇଟି ଏକ୍ସପ୍ଲୋସିଭ ଗୋଦାମ ରହିଛି । କାହା ଗୋଦାମରୁ କେତେ ବିସ୍ଫୋରକ ସାମଗ୍ରୀ କୁଆଡେ ଯାଉଥିଲା ତା’ର ତଦନ୍ତ କରୁଛି ଏସଆଇଟି ଟିମ୍‍ । ଏହି ମାମଲାରେ ନିକିତା ଅଗ୍ରୱାଲଙ୍କୁ ଗୋଦାମର ଷ୍ଟକ୍‍ ଓ ବିସ୍ଫୋରକ ସାମଗ୍ରୀ କେଉଁ ଆଡେ ଯାଉଥିଲା ସେ ସବୁ ସମ୍ପର୍କରେ ଜେରା କରୁଛି ଏସଆଇଟି ।