ସମ୍ବଲପୁର: ପଶ୍ଚିମ ଓଡିଶାର ଗଣପର୍ବ ନୂଆଁଖାଇ ଭାଇଚାରା ଓ ଏକତାର ବାର୍ତ୍ତା ଦେଇ ଆସୁଥିବା ବେଳେ ଏବେ ଏହା ସୁଦୂର ବିଦେଶରେ ମଧ୍ୟ ଭବ୍ୟତାର ସହିତ ପାଳନ କରାଯାଉଛି । ଚିଲି ଦେଶର ରାଜଧାନୀ ସାଣ୍ଟିଆଗୋଠାରେ ଓଡିଆମାନଙ୍କର ସଙ୍ଗଠନ ସାଣ୍ଟିଆଗୋ ଓଡିଆବାସୀ ମିଶନ ବେ ତରଫରୁ ବୋନିଟା କୋଭଠାରେ ପାରମ୍ପରିକ ରୀତିନୀତି ଅନୁଯାୟୀ ନୂଆଁଖାଇ ଉତ୍ସବ ପାଳନ କରାଯାଇଛି । ଏହି ଅବସରରେ ସାଂସ୍କୃତିକ କାର୍ଯ୍ୟକ୍ରମ ସହିତ ପାରମ୍ପରିକ ଓଡିଆ ଖାଦ୍ୟପେୟ ଆୟୋଜନ କରାଯାଇଛି। ନୂଆଁଖାଇ ଭେଟଘାଟ କାର୍ଯ୍ୟକ୍ରମରେ ଓଡିଆ ଖାଦ୍ୟ ଓ ପାନୀୟ ସହିତ ପଶ୍ଚିମ ଓଡିଶାର ପାରମ୍ପରିକ ବ୍ୟଞ୍ଜନ ଆମିଳ, ଆରିଷା, ମଣ୍ଡା ପିଠା ଆଦି ମଧ୍ୟ କରାଯାଇଥିଲା । ମାଁ ସମଲେଶ୍ୱରୀଙ୍କୁ ନୂତନ ଚାଉଳରୁ ନିର୍ମିତ ଖିରି ପ୍ରସ୍ତୁତ କରାଯାଇ ଭୋଗ ଲାଗି ହେବା ପରେ ସମସ୍ତେ ଏକାଠି ନବାନ୍ନ ଗ୍ରହଣ କରିଥିଲେ । ସାଂସ୍କୃତିକ କାର୍ଯ୍ୟକ୍ରମରେ କାରାଓକି, ନୃତ୍ୟ ଓ ନାଟକ ଆଦି ପ୍ରଦର୍ଶନ କରାଯାଇଥିଲା । ବିଦେଶରେ ଥାଇ ମଧ୍ୟ ଓଡିଆ ସଂସ୍କୃତିକୁ ବଞ୍ଚାଇ ରଖିବା ଏବଂ ପ୍ରଚାର ପ୍ରସାର କାର୍ଯ୍ୟକ୍ରମରେ ୬୦ ରୁ ଅଧିକ ଓଡିଆ ସାମିଲ ହୋଇଥିଲେ।
Popular Categories
Previous article
Next article