ନୂଆଦିଲ୍ଲୀ : ଟ୍ରିପଲ ରିଅର କ୍ୟାମେରା ସହ “ନୋକିଆ ୬.୨”ର ଭାରତୀୟ ବଜାର ପ୍ରବେଶ ହୋଇଛି। ଏହା ପୂର୍ବରୁ ପ୍ରଥମେ ନୋକିଆ ୬.୨କୁ ବର୍ଲିନର ଆଇଏଫଏ ଟେକ କାର୍ୟ୍ୟକ୍ରମରେ ଲଞ୍ଚ କରାଯାଇଥିଲା। ଏଥିରେ ୱାଟର ଡ୍ରପ ଷ୍ଟାଇଲ, ଏଚଡି ଡିସପ୍ଲେ ଏବଂ ବଡ଼ ବ୍ୟାଟେରୀ ରହିଛି। ଏହାସହିତ ଫୋନରେ ୪ଜିବି ରାମ ଏବଂ ୬୪ଜିବି ଇଣ୍ଟରନାଲ ଷ୍ଟୋରେଜ ସପୋର୍ଟ ଦିଆଯାଇଛି।
“ନୋକିଆ ୬.୨”ର ମୂଲ୍ୟ ୧୫ହଜାର ୯୯୯ଟଙ୍କା। ଏହି ଫୋନକୁ ଆମାଜନ ଏବଂ ନୋକିଆ ୱେସାଇଟରୁ କିଣିପାରିବେ। କମ୍ପାନୀ ୱେବସାଇଟରୁ ଏହି ଫୋନକୁ କ୍ରୟ କଲେ ୧୫୦୦ଟଙ୍କାର ଗିପ୍ଟ ଭାଉଚର ମିଳିବାର ସୂଚନା ମିଳିଛି।
ଏହି ଫୋନରେ ଡୁଆଲ ନାନୋ ସିମ ଏବଂ ଆଣ୍ଡ୍ରଏଡ-୯ପାଇର ସପୋର୍ଟ ମିଳିବା ସହିତ ୬.୩ଇଞ୍ଚର ଫୁଲ ଏଚଡି ପ୍ଲସ ଡିସପ୍ଲେ ମିଳିବ। ସ୍କ୍ରିନର ପ୍ରୋଟେକ୍ସନ ପାଇଁ ଏଥିରେ ଗରିଲା ଗ୍ଲାସ-୩ ଦିଆଯାଇଛି। ଫୋନରେ ଅକ୍ଟାକୋର କ୍ବାଲାକମ ସ୍ନାପଡ୍ରାଗନ୍ ୬୩୬ଏସଓସି ରହିଛି।
ସଂଯୋଗ ପାଇଁ ଫୋନରେ ବ୍ଲୁଟୁଥ ୫.୦, ୱାଇ-ଫାଇ, ୪ଜି ଭୋଲଟି, ଜିପିଏସ ଏବଂ ୟୁଏସବି ପୋର୍ଟ ଟାଇପ ସି ଭଳି ଫିଚର୍ସ ରହିଛି। ଏହା ସହିତ ୩ହଜାର ୫୦୦ଏମ୍ଏଚ୍ ବ୍ୟାଟେରୀ ରହିଛି।
