ଡେସ୍କ: ଇସ୍ରାଏଲ-ହମାସ ଯୁଦ୍ଧ ମଧ୍ୟରେ ଗାଜା ଡାକ୍ତରଖାନାରେ ରକେଟ ମାଡ ହେବା ପରେ ମଙ୍ଗଳବାର ରାତିରେ ଶତାଧିକ ପାଲେଷ୍ଟାଇନ ନାଗରିକଙ୍କ ମୃତ୍ୟୁ ଘଟିଛି। ଏହି ରକେଟ ମାଡ ନେଇ ଉଭୟ ହମାସ୍ ଏବଂ ଇସ୍ରାଏଲ୍ ପ୍ରତିରକ୍ଷା ବାହିନୀ ପରସ୍ପରକୁ ଦୋଷ ଦେଉଛନ୍ତି। ଆମେରିକା ରାଷ୍ଟ୍ରପତି ଜୋ ବାଇଡେନ ଏହା ମଧ୍ୟ କହିଛନ୍ତି ଯେ ଇସ୍ରାଏଲ ପକ୍ଷରୁ ଏହି ଆକ୍ରମଣ କରାଯାଇନାହିଁ।
I’m horrified to see the bombing of al-Ahli Hospital in Gaza and unequivocally condemn it. I urge the Israeli government to allow humanitarian aid into Gaza and reiterate the call for a ceasefire. I am directing $300K to three charities helping Palestinian people under attack. pic.twitter.com/JiIPfnTUvY
— Malala Yousafzai (@Malala) October 17, 2023
ଇତି ମଧ୍ୟରେ ଗାଜା ହସ୍ପିଟାଲ ବିସ୍ଫୋରଣକୁ ନୋବେଲ ପୁରସ୍କାର ବିଜେତା ମଲାଲା ୟୁସୁଫଜାଇ ମଧ୍ୟ ଏହି ଘଟଣାରେ ପ୍ରତିକ୍ରିୟା ପ୍ରକାଶ କରି ଏହାକୁ ଭୟଙ୍କର ବୋଲି କହିଛନ୍ତି। ସେ ଇସ୍ରାଏଲ୍ ସରକାରଙ୍କୁ ଗାଜାରେ ମାନବିକ ସହାୟତାକୁ ଅନୁମତି ଦେବାକୁ ଏବଂ ଅସ୍ତ୍ରବିରତି ପାଇଁ ଅନୁରୋଧ କରିଛନ୍ତି। ନୋବେଲ ପୁରସ୍କାର ବିଜେତା ପାଲେଷ୍ଟାଇନ ଲୋକଙ୍କୁ ସହାୟତା କରୁଥିବା ତିନୋଟି ସଂସ୍ଥାକୁ ଆର୍ଥିକ ସହାୟତା ଦେଇଛନ୍ତି।
ନିଜର ଏକ୍ସ ପୋଷ୍ଟରେ ସେ ଲେଖିଛନ୍ତି, “ଗାଜାରେ ଅଲ-ଅହଲି ହସ୍ପିଟାଲ ଉପରେ ହୋଇଥିବା ବୋମା ବିସ୍ଫୋରଣ ଦେଖି ମୁଁ ଭୟଭୀତ ଏବଂ ଏହାକୁ ନିନ୍ଦା କରୁଛି। ମୁଁ ଇସ୍ରାଏଲ ସରକାରଙ୍କୁ ଅନୁରୋଧ କରୁଛି ଯେ ଗାଜାରେ ମାନବିକ ସହାୟତାକୁ ଅନୁମତି ଦିଅନ୍ତୁ। ମୁଁ ଆକ୍ରମଣରେ ପାଲେଷ୍ଟାଇନ ଲୋକଙ୍କୁ ସାହାଯ୍ୟ କରୁଥିବା ତିନୋଟି ସଂସ୍ଥା ପାଇଁ ଆର୍ଥିକସହାୟତା ଦେଉଛି।”
