ଡେସ୍କ: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଗତ ରାତିରେ ଗିରଫ କରିବା ପରେ, ଆଜି ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କୁ କୋର୍ଟରେ ହାଜର କରାଇଛି। ଇଡି ସୋରେନଙ୍କୁ ୫ ଦିନ ଲାଗି ହେପାଜତକୁ ନେବାକୁ ଆବେଦନ କରିବାର ସମ୍ଭାବନା ରହିଛି। ତେବେ ଶ୍ରୀ ସୋରେନ ଅଭିଯୋଗ କରିଛନ୍ତି ଯେ ତାଙ୍କ ଦିଲ୍ଲୀ ବାସଭବନରେ ଚଢ଼ାଉ କରି ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କ ଭାବମୂର୍ତ୍ତିକୁ ଖରାପ କରିବାକୁ ଚେଷ୍ଟା କରିଛି।
यह एक विराम है
जीवन महासंग्राम है
हर पल लड़ा हूं, हर पल लड़ूंगा
पर समझौते की भीख मैं लूंगा नहींक्या हार में, क्या जीत में
किंचित नहीं भयभीत मैं
लघुता न अब मेरी छुओ
तुम हो महान, बने रहोअपने लोगों के हृदय की वेदना
मैं व्यर्थ त्यागूंगा नहीं
हार मानूंगा नहीं…जय झारखण्ड! pic.twitter.com/oduWMRGOmQ
— Hemant Soren (@HemantSorenJMM) January 31, 2024
ଗିରଫ ହେବାର ଗୋଟିଏ ଦିନ ପରେ ଶ୍ରୀ ସୋରେନ ଏକ ଭିଡିଓ ବାର୍ତ୍ତା ପ୍ରକାଶ କରିଛନ୍ତି। ସେଥିରେ ସୋରେନ ଦାବି କରିଛନ୍ତି ଯେ ସେ ଗିରଫ ହୋଇଥିବା ଅର୍ଥ ହେରଫେର ମାମଲା ସହ ଜଡିତ ନୁହଁନ୍ତି।
ସେହି ଭିଡିଓ ବାର୍ତ୍ତାରେ ସେ କହିଛନ୍ତି, ବୋଧହୁଏ ଆଜି ଇଡି ମୋତେ ଗିରଫ କରିବ, କିନ୍ତୁ ମୁଁ ଚିନ୍ତିତ ନୁହେଁ କାରଣ ମୁଁ ଶିବୁ ସୋରେନଙ୍କ ପୁଅ। ପୁରା ଦିନ ପଚରାଉଚରା ପରେ ସେମାନେ ମୋ ସହ ଜଡିତ ନଥିବା ମାମଲାରେ ମୋତେ ଯୋଜନାବଦ୍ଧ ଭାବେ ଗିରଫ କରିବାକୁ ନିଷ୍ପତ୍ତି ନେଇଛନ୍ତି ବୋଲି ସେ କହିଛନ୍ତି।
