ନୂଆଦିଲ୍ଲୀ : ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଜାନୁଆରୀ ୨୦ରେ ଶପଥ ଗ୍ରହଣ କରିଛନ୍ତି । ଶପଥଗ୍ରହଣ ଉତ୍ସବ ଆରମ୍ଭ ହେବା ପୂର୍ବରୁ ଟ୍ରମ୍ପ ଏକ ସନ୍ଧ୍ୟା ଭୋଜନର ମଧ୍ୟ ଆୟୋଜନ କରିଥିଲେ। ଏଥିରେ ଅନେକ ଦେଶର ନେତା, ଶିଳ୍ପପତି, ଉଦ୍ୟୋଗପତି ଯୋଗ ଦେବା ସହ ରିଲାଏନ୍ସ ଇଣ୍ଡଷ୍ଟ୍ରିଜର ଅଧ୍ୟକ୍ଷ ମୁକେଶ ଅମ୍ବାନୀ ଓ ତାଙ୍କ ସ୍ତ୍ରୀ ତଥା ରିଲାଏନ୍ସ ଫାଉଣ୍ଡେସନ ଅଧ୍ୟକ୍ଷା ନୀତା ଅମ୍ବାନୀ ଯୋଗ ଦେଇଥିଲେ। ମୁଖ୍ୟ ଆକର୍ଷଣ ସାଜିଥିଲା ନୀତା ଅମ୍ବାନୀ ପିନ୍ଧିଥିବା ଶାଢି ଓ ଅଳଙ୍କାର। ଏହାର ଅନେକ ଫଟୋ ଏବେ ସୋସିଆଲ ମିଡିଆରେ ପୋଷ୍ଟ କରାଯିବା ସହ ସଭିଁଙ୍କ ଆକର୍ଷଣ ଓ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି।
ନୀତା ନିଜର ପାରମ୍ପରିକ୍ ଲୁକ୍ ପାଇଁ ସର୍ବଦା ଲୋକଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିବା ସହ ହୃଦୟ ଜିତି ଥାନ୍ତି। ସେ ଭାରତର ପାରମ୍ପରିକ କାଞ୍ଚିପୁରମ ସିଲ୍କ ଶାଢି ପିନ୍ଧିଥିଲେ । ଏଥିରେ କାଞ୍ଚିପୁରମର ମନ୍ଦିରର ଗୁଡିକର ଆଧ୍ୟାତ୍ମିକ ଏବଂ ଐତିହାସିକର ୧୦୦ରୁ ଅଧିକ ପାରମ୍ପରିକ ଢାଞ୍ଚା ପ୍ରଦର୍ଶନ କରାଯାଇଥିଲା । ଜାତୀୟ ପୁରସ୍କାର ବିଜେତା କାରିଗର ବି.କୃଷ୍ଣମୂର୍ତ୍ତିଙ୍କ ଦ୍ୱାରା ବୁଣାଯାଇଥିବା ଏହି ଶାଢିରେ ନୀତା ଖୁବ୍ ସୁନ୍ଦର ଦେଖାଯାଉଥିଲେ । ଅଳଙ୍କାର କଥା କହିଲେ ନୀତା ଅମ୍ବାନୀ ପିନ୍ଧିଥିବା ଏହି ହାରରେ ୨୦୦ ବର୍ଷ ପୁରୁଣା ପେଣ୍ଡାଣ୍ଟଥିଲା । ଏହା ଉପରେ ମାଣିକ, ହୀରା ଓ ମୁକ୍ତାରେ ସଜ୍ଜିତ ହୋଇଥିଲା। ହାର ସହ କାନର ଓ ମୁଦି ମଧ୍ୟ ପିନ୍ଧିଥିଲେ। ଉଭେୟ ଟ୍ରମ୍ପଙ୍କୁ ଭେଟି କିଛି ସମୟ କଥା ହେବା ସହିତ ଫଟୋ ବି ଉଠାଇଥିଲେ।
ଦେଖନ୍ତୁ ଭିଡିଓ; ଏମିତି ରୁଟି ତିଆରି କଲେ ଯୁବତୀ, ଜୁଗାଡ୍ ଦେଖି ଲୋକେ କହିଲେ ..
