ନୂଆଦିଲ୍ଲୀ : ଡିସେମ୍ବର ୨୦୨୪ରେ ଘୋଷିତ ନିସାନ ଓ ହୋଣ୍ଡା ମଧ୍ୟରେ ପ୍ରସ୍ତାବିତ ମିଶ୍ରଣ ଏବେ ସଙ୍କଟରେ ଥିବା ନଜର ଆସୁଛି । ସୂଚନା ଅନୁସାରେ ନିସାନର ବୋର୍ଡ ହୋଣ୍ଡାର ମିଶ୍ରଣ ପ୍ରସ୍ତାବକୁ ପ୍ରତ୍ୟାଖ୍ୟାନ କରିବାକୁ ପ୍ରସ୍ତୁତ ହେଉଛି । ଆସନ୍ତୁ ଜାଣିବା ସମ୍ପୂର୍ଣ୍ଣ ତଥ୍ୟ..
ନିସାନ ମୋଟର କର୍ପୋରେସନ ଏହା ସଙ୍କେତ ଦେଇଛି କି ସେ ହୋଣ୍ଡାର ସେହି ପ୍ରସ୍ତାବକୁ ଅସ୍ବୀକାର କରୁଛି ଯେଉଁଥିରେ ନିସାନକୁ ହୋଣ୍ଡାର ସହାୟକ କମ୍ପାନୀ ବୋଲି ଦର୍ଶାଯାଇଥାନ୍ତା । ଏହି ପ୍ରସ୍ତାବକୁ ଅସ୍ବୀକାର କରିବା ପରେ ଉଭୟଙ୍କ ମଧ୍ୟରେ ହେବାକୁ ଥିବା ମିଶ୍ରଣ ଆଲୋଚନା ଅଧାରେ ଅଟକି ରହିଛି । କୁହାଯାଉଛି କି ବୁଧବାର ନିସାନର ବୋର୍ଡର ଏକ ବୈଠକ ହେବ ଯେଉଁଥିରେ ଏହି ପ୍ରସ୍ତାବ ଉପରେ ଅନ୍ତିମ ନିଷ୍ପତ୍ତି ନିଆଯିବ ।
ହୋଣ୍ଡାର ବର୍ତ୍ତମାନ ବଜାର ମୂଲ୍ୟ ୭.୩ ଟ୍ରିଲିୟନ୍ ୟେନ୍(ପ୍ରାୟ ୪୭ ଅରବ ଡଲାର) ଆକଳନ କରାଯାଇଛି ଯାହା ନିସାନର ମୂଲ୍ୟଠୁ ପ୍ରାୟ ୫ ଗୁଣା ଅଧିକ । ଏହି କାରଣରୁ ହୋଣ୍ଡା, ନିସାନକୁ କିଣି ନିଜ ସବସିଡିୟରୀ କମ୍ପାନୀ ବନାଇବାକୁ ଚାହୁଁଛି । ତେବେ ନିସାନର ଅନେକ ବରିଷ୍ଠ ଅଧିକାରୀ ଏହି ପ୍ରସ୍ତାବକୁ ବିରୋଧ କରୁଛନ୍ତି । ଯଦି ଏହି ଚୁକ୍ତି ସମ୍ପୂର୍ଣ୍ଣ ହୋଇଥାନ୍ତା ତେବେ ଏହା ବିଶ୍ବର ତୃତୀୟ ବଡ କାର୍ ନିର୍ମାତା କମ୍ପାନୀ ହୋଇଥାନ୍ତା । କିନ୍ତୁ ଆଲୋଚନା ଅଧାରେ ଅଟକିବା ଫଳରେ ଚୁକ୍ତି ସମ୍ପୂର୍ଣ୍ଣ ହୋଇପାରୁନି ।
