ଡେସ୍କ: ଦିନକୁ ଦିନ ଅଷ୍ଟମ ବେତନ କମିଶନକୁ ନେଇ ଆଶା ବଢ଼ୁଥିବା ବେଳେ କେନ୍ଦ୍ର ସରକାରୀ କର୍ମଚାରୀମାନେ ସେମାନଙ୍କ ମୂଳ ଦରମାରେ ବୃଦ୍ଧି ଆଶା ରଖିଛନ୍ତି। କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ ଜାନୁଆରୀରେ ଅଷ୍ଟମ ବେତନ କମିଶନ ଜାରି କରିବା ନେଇ ନିଶ୍ଚିତ କରିଥିଲେ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସେହି ମାସରେ ଅଷ୍ଟମ କେନ୍ଦ୍ରୀୟ ବେତନ ଆୟୋଗ ଗଠନକୁ ନିଶ୍ଚିତ କରିଥିଲେ।
ସୋମବାର ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ଅଷ୍ଟମ ବେତନ କମିଶନ କାର୍ଯ୍ୟକାରୀ ହେବା ୩୬ ଲକ୍ଷରୁ ଅଧିକ କେନ୍ଦ୍ର ସରକାରଙ୍କ ବେସାମରିକ କର୍ମଚାରୀ ଏବଂ ପେନସନଭୋଗୀ କିମ୍ବା ପେନସନଭୋଗୀଙ୍କ ପରିବାର ସମେତ ପ୍ରତିରକ୍ଷା କର୍ମଚାରୀ ଏବଂ ସେମାନଙ୍କ ପେନସନଭୋଗୀଙ୍କ ପାଇଁ ଲାଭଦାୟକ ସାବ୍ୟସ୍ତ ହେବ। ସୀତାରମଣ କହିଛନ୍ତି ଯେ କେନ୍ଦ୍ର ସରକାରଙ୍କ ବେସାମରିକ କର୍ମଚାରୀ ଏବଂ ପେନସନଭୋଗୀ/ପରିବାର ପେନସନଭୋଗୀଙ୍କ ଆନୁମାନିକ ସଂଖ୍ୟା ଯଥାକ୍ରମେ ୩୬.୫୭ ଲକ୍ଷ (ମାର୍ଚ୍ଚ ୧, ୨୦୨୫ ସୁଦ୍ଧା) ଏବଂ ୩୩.୯୧ ଲକ୍ଷ (ଡିସେମ୍ବର ୩୧, ୨୦୨୪ ସୁଦ୍ଧା) ରହିଛି।
ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି, ଅଷ୍ଟମ କେନ୍ଦ୍ରୀୟ ବେତନ ଆୟୋଗ ଗଠନ କରିବାକୁ ସରକାର ନିଷ୍ପତ୍ତି ନେଇଛନ୍ତି। ସରକାରଙ୍କୁ ରିପୋର୍ଟ ଦେବା ପାଇଁ ଆବଶ୍ୟକ ସମୟ ସୀମା ସମ୍ପର୍କରେ ପ୍ରତିକ୍ରିୟା ରଖି ସେ କହିଛନ୍ତି ଯେ ଏହା ନିର୍ଦ୍ଧାରିତ ସମୟ ମଧ୍ୟରେ ସ୍ଥିର ହେବା ନିଶ୍ଚିତ।
Comments are closed.