ନୀଳଗିରି: ନୀଳଗିରିସ୍ଥିତ କୁଲଡିହା ଅଭୟାରଣ୍ୟର ପାଦଦେଶ ଅଞ୍ଚଳ କୁହାଯାଉଥିବା ଢ଼ୋଲପୁର ଗାଁରୁ ସୋମବାର ଏକ ଭିଡ଼ିଓ ଭାଇରାଲ ହେବାରେ ଲାଗିଛି। ଗତକାଲି ରାତିରେ ଖାଦ୍ୟ ଅନ୍ୱେଷଣରେ ଉକ୍ତ ଗାଁକୁ ପଶି ଆସିଥିବା ଦନ୍ତା ହାତୀଟି ସକାଳେ ବାଟବଣା ହୋଇ ଜଙ୍ଗଲକୁ ଯାଇ ପାରିନଥିଲା। ହାତୀକୁ ଦେଖି ଗାଁର ବୁଲା କୁକୁରମାନେ ଭୋକିଥିବା ଯୋଗୁ ଏହି ହାତୀଟି ଏକ ଖେଳ ପଡ଼ିଆରେ ଦୀର୍ଘ ଘଣ୍ଟା ପର୍ଯ୍ୟନ୍ତ ବୁଲା କୁକୁରମାନଙ୍କୁ ଗୋଡ଼ାଇ ନାକେଦମ୍ କରି ଦେଇଛି । ଏହି ସମୟରେ ଉକ୍ତ ଗାଁରେ ଜନୈକ ବ୍ୟକ୍ତି ଘରେ ରହି ଭିଡ଼ିଓ ଉତ୍ତୋଳନ କରିଥିଲେ। ଯାହା ଏବେ ସାଧାରଣରେ ଚର୍ଚ୍ଚାର ବିଷୟ ପାଲଟିଛି । ତେବେ ଦୀର୍ଘ ସମୟରେ କୁକୁରଙ୍କୁ ଗୋଡ଼ାଇ ଦନ୍ତାଟି ମଧ୍ୟ ହନ୍ତସନ୍ତ ହେବା ପରେ ସେ ନିକଟସ୍ଥ ଦେବଗିରି ପାହାଡ଼କୁ ପଳାଇଥିବା ଦେଖାଯାଇଛି।
ଜାଣନ୍ତୁ : ଶୁକ୍ର ମହାଦଶା କ’ଣ ; ୨୦ ବର୍ଷ ଯାଏ ରହେ ପ୍ରଭାବ, ରାଜା ଭଳି ଦେଇଥାଏ ଜୀବନ ନା କରିଥାଏ ଗରିବ..
Comments are closed.