ନୀଳଗିରି: ନୀଳଗିରି ସହରରେ ଘର ସାମ୍ନାରୁ ଜଣେ ବ୍ୟବସାୟୀଙ୍କ ପିକଅପ୍ ଚୋରି ହେବା ଘଟଣା ଅଞ୍ଚଳରେ ହଟଚମଟ ସୃଷ୍ଟି କରିଛି। ନୀଳଗିରି ତଳସଡ଼କ କଦମସାହିରେ ଥିବା ସାଇମାର୍ବଲ ପାଶ୍ୱର୍ରେ ପିକଅପଟି ଛିଡ଼ା ହୋଇଥିଲା। ଗତକାଲି ବିଳମ୍ବିତ ରାତିରେ ୨ଜଣ ଦୁର୍ବୃତ୍ତ ସେଠାରେ ପହଞ୍ଚି ମାତ୍ର ୫ମିନିଟ ମଧ୍ୟରେ ପିକଅପକୁ ଚୋରି କରି ଚମ୍ପଟ ମାରିଛନ୍ତି। ଏହି ପିକଅପଟି ନୀଳଗିରିରୁ ସେରଗଡ଼ ରାସ୍ତାରେ ନେଇଥିବା ସିସିଟିଭି ଫୁଟେଜରୁ ଜଣାପଡ଼ିଛି । ଏ ସମ୍ପର୍କରେ ଆଜି ସାଇମାର୍ବଲର ମାଲିକ ବୁନା ଜେନା ନୀଳଗିରି ଥାନାରେ ଅଭିଯୋଗ କରିଛନ୍ତି। ପୁଲିସ ପକ୍ଷରୁ ଏହି ଘଟଣାରେ ଖୋଳତାଡ଼ କରାଯାଉଥିଲେ ହେଁ ଏଯାବତ ଦୁର୍ବୃତ୍ତଙ୍କ ଖୋଜ ଖବର ମିଳି ନାହିଁ। ସେପଟେ କିଛିମାସ ପୂର୍ବରୁ ଉକ୍ତ ସାଇମାର୍ବଲ ଭିତରେ ପଶି କେତେକ ଦୁର୍ବୃତ୍ତ ଅଢ଼େଇ ଲକ୍ଷ ଟଙ୍କା ସହ ସିସି କ୍ୟାମେରାର ସର୍ଭରଟି ଚୋରି କରି ନେଇଥିଲେ।
ଜାଣନ୍ତୁ : ଶୁକ୍ର ମହାଦଶା କ’ଣ ; ୨୦ ବର୍ଷ ଯାଏ ରହେ ପ୍ରଭାବ, ରାଜା ଭଳି ଦେଇଥାଏ ଜୀବନ ନା କରିଥାଏ ଗରିବ..
Comments are closed.