ନିଦ୍ରାହୀନତା ସମସ୍ୟାରେ ବାନ୍ଧି ହୋଇଥିବା ବ୍ୟକ୍ତିଜଣକ ବିଭିନ୍ନ ପ୍ରୟାସ କରିବାକୁ ପଛାଇନଥାନ୍ତି। ଖାଦ୍ୟପାନୀୟ ସହ ରୁଟିନ୍ ଅନୁସାରେ ନିଜ ଜୀବନଶୈଳୀକୁ ମଧ୍ୟ ଏମାନେ ପରିବର୍ତ୍ତନ କରୁଥିବାର ଦେଖାଯାଏ। କେତେକଙ୍କୁ ଲାଭ ମିଳିଲାବେଳେ ଅନ୍ୟମାନେ ନିରାଶ ହୋଇଥାନ୍ତି। ଲୋକଙ୍କ ଏଇ ନିଦ୍ରାହୀନତା ସମସ୍ୟାକୁ ଲକ୍ଷ୍ୟ କରି ଆମେରିକୀୟ କମ୍ପାନୀ ୨୦୧୯ରେ ‘ନାଇଟ୍ ଆଇସକ୍ରିମ୍’ର ବଜାର ପ୍ରବେଶ କରାଇଛି। ୪୦ହଜାରରୁ ଅଧିକ ଲୋକଙ୍କ ଉପରେ ଏଇ ଆଇସକ୍ରିମ୍ ପରୀକ୍ଷା ହୋଇସାରିଥିବାବେଳେ ପ୍ରକୃତରେ ଏହା କାର୍ଯ୍ୟକାରୀ ହେଉଥିବାର ସ୍ପଷ୍ଟ ହୋଇଛି। କାମର ଚାପ, ମାନସିକ ଚାପ କାରଣରୁ କେତେଜଣ ନିଦ୍ରାହୀନତା ସମସ୍ୟାର ସମ୍ମୁଖୀନ ହୋଇଥାନ୍ତି। ଆଇସକ୍ରିମ୍ କମ୍ପାନୀର ଉପଦେଷ୍ଟାଙ୍କ ମତରେ କୌଣସି ପ୍ରକାର ରାସାୟନିକ ତତ୍ତ୍ବ ଏଥିରେ ବ୍ୟବହାର କରାଯାଇନାହିଁ। ଏହି ଆଇସକ୍ରିମ୍କୁ ଅଧିକଦିନ ଫ୍ରିଜ୍ରେ ନ ରଖି ବରଂ ଦିନେଦୁଇଦିନ ଭିତରେ ଖାଇବା ଭଲ। ନିଦ ପାଇଁ ସହାୟକ ହେଉଥିବା ଏନ୍ଜାଇମ୍, ମିନେରାଲ୍ସ, ଆମିନୋ ଏସିଡ୍ ତତ୍ତ୍ବ ଭରପୂର ଏହି ନାଇଟ୍ ଆଇସକ୍ରିମ୍ ଶୋଇବାର କିଛି ସମୟ ପୂର୍ବରୁ ଖାଇଲେ ନିଦ ଗାଢ଼ ହୁଏ। ଗୋଟିଏ କୋନ୍ ପିଛା ଏଇ ନିଦ ଆଇସକ୍ରିମ୍ର ଦର ୪୫୦-୫୫୦ ଟଙ୍କା ଧାର୍ଯ୍ୟ ହେବା ସହ ଏହାର ବିଭିନ୍ନ ସୁଆଦଗୁଡ଼ିକ ଯଥାକ୍ରମେ ‘ମିଡ୍ନାଇଟ୍ ଚକୋଲେଟ୍’, ‘ଫୁଲ୍ ମୁନ୍ ଭାନିଲା’, ‘କୁକିଜ୍ ଆଣ୍ଡ ଡ୍ରିମସ୍’, ‘ଚେରି ଏକଲିପ୍ସ’, ‘ଆଫ୍ଟର ଡିନର୍ ମିଣ୍ଟ ଚିପ୍’ ଇତ୍ୟାଦି। ଭାରତୀୟ ବଜାରରେ ଏଇ ନିଦୁଆ ଆଇସକ୍ରିମ୍ ମିଳିବ ବୋଲି ଶୁଣାଯାଉଛି, ବଜାରକୁ ଆସିବା ପରେ ଆମ ଦେଶୀ ଗ୍ରାହକଙ୍କ ମଧ୍ୟରେ ଏଇ ନିଦ ଆଇସକ୍ରିମ୍ ଲୋକପ୍ରିୟ ହେବାର ଆଶା କରାଯାଉଛି। n
Popular Categories
Previous article
Next article