ନୂଆଦିଲ୍ଲୀ : ଯୋଧପୁରରେ ଉଭୟ ଖ୍ରୀଷ୍ଟିୟାନ ଓ ହିନ୍ଦୁ ପରମ୍ପରାରେ ବିବାହ କରି ପ୍ରିୟଙ୍କା ଚୋପ୍ରା ଓ ନିକ୍ ଜୋନାସ ଦିଲ୍ଲୀ ଫେରିଛନ୍ତି। ମଙ୍ଗଳବାର ଦିଲ୍ଲୀର ତାଜ୍ ପ୍ୟାଲେସରେ ନିକ୍-ୟଙ୍କାଙ୍କ ପ୍ରଥମ ରିସେପସନ୍ ପାର୍ଟି ଅନୁଷ୍ଠିତ ହେଉଛି। ସୂଚନା ଅନୁସାରେ, ପ୍ରିୟଙ୍କା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏହି ପାର୍ଟିକୁ ନିମନ୍ତ୍ରଣ କରିଛନ୍ତି। ତେଣୁ ଏହି ସମାରୋହରେ ପ୍ରଧାନମନ୍ତ୍ରୀ ସାମିଲ ହେବାର ସମ୍ଭାବନା ରହିଛି। ଏତଦ୍ ବ୍ୟତୀତ ଦୁହିଁଙ୍କ ବହୁ ନିକଟ ସମ୍ପର୍କୀୟ ଓ ବନ୍ଧୁ ବର୍ଗ ମଧ୍ୟ ସାମିଲ ହେବେ।
ମିଳିଥିବା ଖବର ଅନୁସାରେ, ନିକ୍-ୟଙ୍କା ଦିଲ୍ଲୀ ପରେ ମୁମ୍ବଇରେ ଦ୍ୱିତୀୟ ରିସେପସନ୍ ପାର୍ଟି ଦେବେ। ମୁମ୍ବଇରେ ପାର୍ଟି କେଉଁ ଦିନ ଅନୁଷ୍ଠିତ ହେବ ଏନେଇ କୌଣସି ସଠିକ୍ ସୂଚନା ମିଳିନାହିଁ।