ନୂଆଦିଲ୍ଲୀ : ମିଜୋରାମରେ ମଙ୍ଗଳବାର ସକାଳେ ଏକ ଅଘଟଣ ଘଟିଛି। ଏଠାରେ ଲେଙ୍ଗପୁଇ ବିମାନବନ୍ଦରରେ ମିଆଁମାର ସେନାର ଏକ ବିମାନ ରନୱେରୁ ଖସି ଦୁର୍ଘଟଣାଗ୍ରସ୍ତ ହୋଇଛି। ଏହି ବିମାନରେ ପାଇଲଟ୍ଙ୍କ ସହ ୧୪ ଜଣ ଯାତ୍ରା କରୁଥିଲେ। ଏମାନଙ୍କ ମଧ୍ୟରୁ ୬ ଜଣ ଆହତ ହୋଇଛନ୍ତି। ଆହତଙ୍କୁ ଲେଙ୍ଗପୁଇ ହସ୍ପିଟାଲରେ ଭର୍ତ୍ତି କରାଯାଇଛି। ଏହି ବିମାନ ମିଆଁମାର୍ ସୈନ୍ୟମାନଙ୍କୁ ନେବା ପାଇଁ ମିଆଁମାର୍ରୁ ମିଜୋରାମ ଆସିଥିଲା। ବିଦ୍ରୋହୀ ଓ ମିଆଁମାର୍ ସେନାଙ୍କ ମଧ୍ୟରେ ଲାଗି ଥିବା ସଂଘର୍ଷ ମଧ୍ୟରେ ସେଠାରୁ ପଳାଇଥିବା ସୈନିକ ଲାଙ୍ଗତୋଲାଇରେ ରହିଥିଲେ। ସୈନିକଙ୍କୁ ନେବା ପାଇଁ ଏହି ବିମାନଟି ଆସିଥିଲା ବୋଲି ସୂଚନା ମିଳିଛି।
