ଗୋପାଳପୁର: ଆମ୍ବପୁଆ ବଡ଼ସାହିର ଜଣେ ନବବଧୂ ଆତ୍ମହତ୍ୟା କରିଥିବା ଅଭିଯୋଗରେ ଗୋପାଳପୁର ପୁଲିସ ହତ୍ୟା ମାମଲାରେ ସ୍ବାମୀକୁ ଗିରଫ କରି କୋର୍ଟ ଚାଲାଣ କରିଛି। ଅଭିଯୁକ୍ତ ଜଣଙ୍କ ଫକିରମୋହନ ଓରଫ ପ୍ରକାଶ ରେଡ୍ଡୀ ବୋଲି ପୁଲିସ ସୂଚନା ଦେଇଛି। ଅଭିଯୋଗ ଅନୁଯାୟୀ ମୃତ ନବବଧୂ ଜଣଙ୍କ ଚମାଖଣ୍ଡି ଥାନା ଲକ୍ଷ୍ମିପୁର ଗ୍ରାମର ଆର ଗଣେଶ ରେଡ୍ଡୀଙ୍କ ବଡଝିଅ ଆର ଚଞ୍ଚଳା ରେଡ୍ଡୀ ଆମ୍ବପୁଆର ଫକିରମୋହନଙ୍କ ସହ ଗତ ଜୁଲାଇ ୮ ତାରିଖରେ ବୈଦିକ ରୀତିରେ ବିବାହ କରିଥିଲେ। କିନ୍ତୁ ବିବାହ ପରଠାରୁ ଫକିରମୋହନଙ୍କ ପରିବାର ଚଞ୍ଚଳାଙ୍କୁ ମାନସିକ ସହ ଶାରୀରିକ ନିର୍ଯାତନା ଦେଇ ଆସୁଥିଲେ।
ଗତ ୨୩ ତାରିଖରେ ଫକିରମୋହନଙ୍କ ପରିବାରର ସମସ୍ତ ସଦସ୍ୟ ଚଞ୍ଚଳାଙ୍କୁ ବିଭିନ୍ନ ପ୍ରକାରର ନିର୍ଯାତନା ଦେଇଥିବା ନେଇ ଚଞ୍ଚଳାଙ୍କ ପକ୍ଷରୁ ବାପା ଗଣେଶଙ୍କୁ ଜଣାଇଥିଲେ। କିନ୍ତୁ ହଠାତ ସୋମବାର ରାତିରେ ଚଞ୍ଚଳା ଗୁରୁତର ଥିବା ଏବଂ ତାଙ୍କୁ ବ୍ରହ୍ମପୁର ବଡ ମେଡିକାଲ ନିଆଯାଇଥିବା ଖବର ଦେଇଥିଲେ। କିନ୍ତୁ ପରିବାର ବର୍ଗ ମେଡିକାଲରେ ପହଞ୍ଚିବା ପରେ ମୃତ୍ୟୁ ହୋଇଯାଇଥିବା ଜାଣିବାକୁ ପାଇଥିଲେ। ଏହି ଘଟଣା ନେଇ ମୃତ ଚଞ୍ଚଳାଙ୍କ ମାଁ କାମନୀ ରେଡ୍ଡୀଙ୍କ ପକ୍ଷରୁ ଗୋପାଳପୁର ଥାନାରେ ତାଙ୍କ ଝିଅକୁ ଜ୍ବାଇଁ ଫକିରମୋହନ ଓ ତାଙ୍କ ପରିବାର ସଦସ୍ୟ ମିଶି ମାରିଦେଇ ଆତ୍ମହତ୍ୟାର ରୂପ ଦେଇଥିବା ନେଇ ଲିଖିତ ଅଭିଯୋଗ କରିଛନ୍ତି। ଅଭିଯୋଗକୁ ଭିତ୍ତି କରି ପୁଲିସ ପକ୍ଷରୁ ଏକ ମାମଲା ରୁଜୁ କରିବା ସହ ସ୍ବାମୀ ଫକିରମୋହନଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଅନ୍ୟ ପଟେ ପୁଲିସ ମୃତ ଚଞ୍ଚଳାଙ୍କ ବେଡ଼ରୁମରୁ ଋକ ସୁସାଇଡ ନୋଟ ଜବତ କରିବା ସହ ସେଥିରେ ତାଙ୍କ ମୃତ୍ୟୁ ପାଇଁ ତାଙ୍କ ସ୍ବାମୀ ଓ ଶଶୁର ଘର ପରିବାର ଲୋକ ଦାୟୀ ବୋଲି ଉଲ୍ଲେଖ ରହିଛି।
Comments are closed.