ଫୁଲବାଣୀ: କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା କେଳାପଡା ପଞ୍ଚାୟତ ଗୁରୁପଡା ଗାଁ ପଛପଟ କଡ଼ିସରୁ ପାହାଡ଼ ଉପର ଜଙ୍ଗଲରୁ ଜଣେ ଯୁବକଙ୍କ ଝୁଲନ୍ତା ଶବ ପୋଲିସ ଉଦ୍ଧାର କରିଛି ଓ ମୃତ ଯୁବକ ଜଣକ କେଳାପଡା ବିଶିସାହିର ସ୍ବର୍ଗତ ମହିକର୍ଣ୍ଣ ବେହେରାଙ୍କ ପୁଅ କୁନାଲ ବେହେରା ଡାକ ନାମ ପକୁଡି ବୋଲି ଜଣା ପଡିଛି। ଗତ ୯ ତାରିଖ ଦିନ ମୃତ ଯୁବକ ନିଜ ମା’କୁ କିଛି ଟଙ୍କା ମାଗିବା ପରେ ମା ଟଙ୍କା ନଦେବାରୁ ରାତି ଆଠଟାରେ ଘରୁ କେଉଁଆଡେ ଚାଲିଯାଇଥିଲା ଓ ପରେ ପରିବାର ଲୋକେ ବହୁ ଖୋଜାଖୋଜି କରିଥିଲେ ମଧ୍ୟ୍ୟ ଯୁବକର କୌଣସି ସନ୍ଧାନ ପାଇନଥିଲେ ଓ ଘଟଣାର ପାଞ୍ଚଦିନ ପରେ ବାଧ୍ୟ ହୋଇ ପରିବାର ଲୋକେ ଫିରିଙ୍ଗିଆ ଥାନାରେ ଏକ ଲିଖିତ ଅଭିଯୋଗ କଲାପରେ ଫିରିଙ୍ଗିଆ ପୋଲିସ ନିଖୋଜ ମାମଲା ରୁଜୁ କରି ତଦନ୍ତ ଜାରି ରଖିଥିଲେ। ତେବେ ଘଟଣାର ୨୦ ଦିନ ପରେ ଅର୍ଥାତ ଶନିବାର ସକାଳୁ ଗୁରୁପଡା ଗାଁ ପଛପଟେ ଥିବା କଡ଼ିସରୁ ପାହାଡ଼କୁ କିଛିଲୋକ ଛେଳି ଚରାଇବାକୁ ଯାଇଥିବା ବେଳେ ପାହାଡ଼ ଉପରେ ଥିବା ଏକ ବାହାଡା ଗଛରେ ଯୁବକଙ୍କ ମୃତଦେହ ଝୁଲନ୍ତା ଅବସ୍ଥାରେ ଥିବା ଦେଖିବାକୁ ପାଇଥିଲେ ଓ ପରେ ଘଟଣା ବିଷୟରେ ଖବର ପାଇ ଫିରିଙ୍ଗିଆ ଥାନା ଅଧିକାରୀଙ୍କ ଉପସ୍ଥିତିରେ ଗଛରୁ ଝୁଲନ୍ତା ଅବସ୍ଥାରେ ଶବ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରି ବ୍ୟବଚ୍ଛେଦ ପାଇଁ ଫୁଲବାଣୀ ଜିଲ୍ଲା ମୁଖ୍ୟ ଡାକ୍ତରଖାନାକୁ ପଠାଇଥିଲେ।
Comments are closed.