କେନ୍ଦୁଝରଗଡ଼଼: ସରକାରୀ ମହିଳା ମହାବିଦ୍ୟାଳୟ କେନ୍ଦୁଝରର ରେଡ୍ ରିବନ କ୍ଲବ, ରେଡକ୍ରସ ସମିତି, ଜାତୀୟ ସେବା ଯୋଜନା ଓ ଏଚ୍ଡିଏଫ୍ସି ବ୍ୟାଙ୍କ ମିଳିତ ସହଯୋଗରେ ବୁଧବାର ଏକ ସ୍ୱେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ଡ. ପ୍ରଭାକର ନାୟକ ଏହି ଶିବିରକୁ ଆନୁଷ୍ଠାନିକ ଭାବେ ଉଦ୍ଘାଟନ କରିବା ଅବସରରେ ଜୀବନ ଦାନ ଭଳି ଏକ ମହତ୍ କାର୍ଯ୍ୟରେ ସମସ୍ତ ଛାତ୍ରୀ ସ୍ୱେଛାକୃତ ଭାବେ ଆଗେଇ ଆସିବାକୁ ଆହ୍ୱାନ ଦେଇଥିଲେ। ଡାକ୍ତର ନୀଲମ ମହାନ୍ତିଙ୍କ ନେତୃତ୍ୱରେ ଜିଲା ରକ୍ତଭଣ୍ଡାରର କର୍ମଚାରୀ ଉପସ୍ଥିତ ରହି ଏହି ଶିବିରରେ ରକ୍ତବର୍ଗୀକରଣ ଓ ରକ୍ତ ସଂଗ୍ରହରେ ସହାୟତା କରିଥିଲେ। ଡ. ମୋନାଲିସା ଦାସ, ରାଜଲକ୍ଷ୍ମୀ ମହାନ୍ତି, ଡ.ବାଣିଶ୍ରୀ ଦାସ, ସୁମିତା ହାଁସଦା ଓ ଡ. ଧର୍ମବୀର ମୋହନ ସିଂ ପ୍ରମୁଖଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ଏହି ଶିବିରେ ମୋଟ ୫୫ୟୁନିଟ୍ ରକ୍ତ ସଂଗ୍ରହ କରାଯାଇ ମାନବ ସେବା ନିମନ୍ତେ ଜିଲା ରକ୍ତ ଭଣ୍ଡାରକୁ ପଠାଇ ଦିଆଯାଇଥିଲା।
Comments are closed.