ଚୌଦ୍ୱାର: ସ୍ଥାନୀୟ ଇମ୍ଫା ଶିଳ୍ପଗୋଷ୍ଠୀ ଆନୁକୁଲ୍ୟରେ ରବିବାର ସ୍ୱଚ୍ଛତା ହିଁ ସେବା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଇମ୍ଫାର ବହୁ ସଂଖ୍ୟାରେ କର୍ମଚାରୀ ରବିବାର ଦିନ ୧୦ଟା ସମୟରେ ଚୌଦ୍ୱାରର ପ୍ରବେଶ ପଥରେ ଥିବା ମାଗୁରା ଜଳକ୍ରୀଡ଼ା କେନ୍ଦ୍ରରେ ପହଞ୍ଚି ସଫେଇ କାର୍ଯ୍ୟ କରିଥିଲେ। ଇମ୍ଫାର ଉପ ସଭାପତି ବିନୟ କୁମାର ଅଗ୍ରୱାଲା, କାର୍ଯ୍ୟକ୍ରମ ସଂଯୋଜକ ଜି. ସାରଦା ପ୍ରସାଦ ରାଓ, ଲଲାଟ କିଶୋର ମହାପାତ୍ର, ଲୋକ ସମ୍ପର୍କ ଡି.ଜି.ଏମ୍. ଧ୍ରୁବ ଚରଣ ରାଉତ, ବବିତ୍ ନନ୍ଦ, ଉମେଶ ଚନ୍ଦ୍ର ପଟ୍ଟନାୟକ, ସୁଶାନ୍ତ କୁମାର ନାୟକ, ବିଷ୍ଣୁ ଚରଣ ସାହୁ ପ୍ରମୁଖ ଏଥିରେ ଶ୍ରମଦାନ କରିଥିଲେ। ଅନୁରୂପ ଭାବେ ଚୌଦ୍ୱାର ପୌରପାଳିକାର ସମସ୍ତ ୱାର୍ଡ଼ରେ କାଉନସିଲର ମାନଙ୍କ ପ୍ରତ୍ୟକ୍ଷ ତତ୍ୱାବଧାନରେ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ସ୍ଥାନୀୟ ଶିଶୁ ସଦନରେ ହିନ୍ଦ୍ ସେବକ ସଂଘର ରାଷ୍ଟ୍ରୀୟ ଅଧ୍ୟକ୍ଷ ଦାମୋଦର ସାହୁଙ୍କ ନେତୃତ୍ୱରେ ପିଲା ଓ କର୍ମୀ ମାନେ ସଫେଇରେ ଶ୍ରମଦାନ କରିଥିଲେ।ପୌରପାଳିକା ତରଫରୁ ଆୟୋଜିତ କାର୍ଯ୍ୟକ୍ରମକୁ ପୌରାଧ୍ୟକ୍ଷା ମାନସୀ ସ୍ୱର୍ଣ୍ଣପ୍ରଭା ସାମଲ, ଉପାଧ୍ୟକ୍ଷ ଶୁଭେନ୍ଦୁ ସାମଲ, ନୋଡାଲ ଅଫିସର ବିଚିତ୍ରାନନ୍ଦ ସ୍ୱାଇଁ ଓ ପିୟୁଷ ସାହୁ ପ୍ରମୁଖ ପରିଚାଳନା କରିଥିଲେ।
Popular Categories
Previous article
Next article