ଫୁଲବାଣୀ: ନିଖିଳ ଉତ୍କଳ ପଞ୍ଚାୟତ ନିର୍ବାହୀ ଅଧିକାରୀ ସଂଘ, ଓଡ଼ିଶାର ଡାକରାକ୍ରମେ କନ୍ଧମାଳ ଜିଲ୍ଲାର ସମସ୍ତ ୧୨ ଟି ବ୍ଲକର ସମସ୍ତ ପଞ୍ଚାୟତ ନିର୍ବାହୀ ଅଧିକାରୀ ଚଳିତ ମାସ ୧୮ ତାରିଖରୁ ୮ ଦିଆଯାଇଥିବା କାର୍ଯ୍ୟବନ୍ଦ ଡ଼ାକରା ଆଜି ୮ମ ଦିନରେ ପହଞ୍ଚିଥିବା ବେଳେ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆନ୍ଦୋଳନ ଜାରି ରହିଛି। ଏଭଳି ସ୍ଥଳେ ପଂଚାୟତ ମାନଙ୍କରେ ଚାଲିଥିବା ବହୁ ଉନ୍ନୟନ ମୂଳକ କାର୍ଯ୍ୟରେ ନାହିଁ ନଥିବା ଅସୁବିଧା ସୃଷ୍ଟି ହୋଇଛି। ପଂଚାୟତ ମାନଙ୍କରେ ବହୁ ଉନ୍ନୟନ ମୂଳକ କାର୍ଯ୍ୟ ଠପ୍ ହୋଇ ପଡ଼ିଥିବା ବେଳେ ବହୁ ହିତାଧିକାରୀ ମାନେ ସେମାନଙ୍କର ପାଉଣା ପାଇବାରେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ବିଭିନ୍ନ ଦାବି ନେଇ ଏହି ଆନ୍ଦୋଳନ ଜାରି ରହିଛି। ଏହି ଗଣଧାରଣାରେ ଜିଲ୍ଲା ସଭାପତି ପଦ୍ମଚରଣ ମହାନ୍ତି , ସଂପାଦକ ମହେଶ କୁମାର ପଟନାୟକ, ଅମରେଶ ପ୍ରସାଦ ରଥ, ମାନସ କୁମାର ପାଣିଗ୍ରାହୀ, ପ୍ରିୟବ୍ରତ ସାହୁ, ଚିତ୍ତରଂଜନ ଦିଗାଲ, ବିଘ୍ନେଶ୍ୱର ଦିଗାଲ, ଲଛମନ କହଁର, ଅନିଲ୍ କୁମାର ପଟନାୟକ, ଘନଶ୍ୟାମ ସାହୁ, ସଂଜୟ ନାୟକ ଓ ଗାବିରିୟଲ୍ ନାୟକ ଓ ଅନ୍ୟମାନେ ଏହାର ନେତୃତ୍ୱ ନେଉଛନ୍ତି।
Popular Categories
Previous article
Next article