ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ଜାଙ୍ଗେଡ଼ ପଞ୍ଚାୟତ ଅଧିନରେ ଥିବା ସୁଢ଼ାପାଲି ଆଶ୍ରମ ସ୍କୁଲ୍ ଛାତ୍ରୀ ନିବାସର ୬୦୦ ଫୁଟ ପାଚେରୀର ୪୦ ଫୁଟ ସାମାନ୍ୟ ବର୍ଷାରେ ଭୁଶୁଡି ପଡ଼ିଛି। ଫଳରେ ଛାତ୍ରୀ ନିବାସଟି ଅସୁରକ୍ଷିତ ହୋଇ ପଡ଼ିଛି। କେତେବେଳେ କେଉଁ ଅଘଟଣ ନ ଘଟିବ ତାହା କିଏ କହିପାରେ। ଫଳରେ ଛାତ୍ରୀ ମାନଙ୍କ ଅଭିଭାବକ ମାନେ ନିଜ ନିଜ ପିଲାଙ୍କର ସୁରକ୍ଷା ନେଇ ଚିନ୍ତିତ ହୋଇପଡ଼ିଛନ୍ତି। ପାଚେରୀ ନିର୍ମାଣରେ ନିମ୍ନ ମାନର କାମ ଯୋଗୁଁ ଏମିତି ଭୁଶୁଡ଼ି ଥିବା ଗ୍ରାମବାସୀ ପ୍ରକାଶ କରିଛନ୍ତି। ସ୍କୁଲ୍ ଭିତରେ ହଷ୍ଟେଲ ସୁପରିଷ୍ଟେଣ୍ଡେଣ୍ଟ ଓ ଜଣେ ଶିକ୍ଷକଙ୍କ ରହିବା ପାଇଁ ଦୁଇ ମହଲା ବିଶିଷ୍ଟ କୋଠା ଘର ଅର୍ଦ୍ଧ ନିର୍ମିତ ହୋଇ ପଡ଼ି ରହି ବର୍ତ୍ତମାନ ତାହା ଜରାଜୀର୍ଣ୍ଣ ଅବସ୍ଥାରେ ରହିଛି। ଏହି ସମସ୍ୟାକୁ ନେଇ ଗତ ଜୁନ ମାସରେ ଡିଡବ୍ଲଙ୍କୁ ଓ ୧୧ ଜୁଲାଇରେ ଡବ୍ଳୁଇଓଙ୍କ ଜରିଆରେ ଅତାବିରା ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଲିଖିତ ଭାବରେ ଜଣାଇ ସାରିଛନ୍ତି। କିନ୍ତୁ ଅଦ୍ୟାବଧି କୌଣସି ବ୍ୟବସ୍ଥା କରାଯାଇ ନାହିଁ।
Popular Categories
Previous article
Next article