ଫୁଲବାଣୀ: କନ୍ଧମାଳ ଜିଲା ଚକାପାଦ ବ୍ଲକ ଶଙ୍କରାଖୋଲ ଗ୍ରାମ ପଞ୍ଚାୟତର ଉପର ଅଡାବାଡିକୁ ନୂତନ ପଞ୍ଚାୟତର ମାନ୍ୟତା ପାଇଁ ଜିଲାପାଳଙ୍କ ନିକଟରେ ଦାବି କରାଯାଇଛି। ଶଙ୍କରାଖୋଲ ପଞ୍ଚାୟତରେ ଏବେ ୨୨ଟି ରାଜସ୍ବ ଗ୍ରାମ ଥିବା ବେଳେ ୨୦୧୧ ଜନଗଣନା ଅନୁସାରେ ଜନସଂଖ୍ୟା ୫,୬୦୦।
ପଞ୍ଚାୟତ ଅନ୍ତର୍ଗତ କାଡ଼ପଦର, ଉତ୍ନନେବା, ମାଜାଗାଡ଼ା, ସିତାଗାଡ଼ା, ବାସିଆମ୍ବା, କାବେଣି ଓ ରାଇଖୋଲର ଜନ ସାଧାରଣ ସରକାରୀ ସହାୟତା ପାଇଁ ୮ରୁ ୧୦ କି.ମି. ପର୍ଯ୍ୟନ୍ତ ଚାଲି ଚାଲି ଯିବାକୁ ପଡୁଛି । ଫଳରେ ଅନେକ ସମସ୍ୟାର ସମ୍ମୁଖୀନ ହେବାକୁ ପଡୁଛି। ତେଣୁ ଶଙ୍କରାଖୋଲ ଗ୍ରାମ ପଞ୍ଚାୟତକୁ ବିଭାଜନ କରି ୧୪ଟି ରାଜସ୍ବ ଗ୍ରାମକୁ ନେଇ ଉପର ଅଡାବାଡିକୁ ଗ୍ରାମ ପଞ୍ଚାୟତ ମାନ୍ୟତା ଦେବା ପାଇଁ ଲୋକେ ଦାବି କରିଛନ୍ତି। ଏଥିପାଇଁ ଶତାଧିକ ଗ୍ରାମବାସୀ ଜିଲାପାଳଙ୍କ କାର୍ଯ୍ୟାଳୟକୁ ଆସି ଏକ ଦାବିପତ୍ର ପ୍ରଦାନ କରିଛନ୍ତି।
Comments are closed.