କଟକ: ଗୋପବନ୍ଧୁଙ୍କ ପ୍ରତିଷ୍ଠିତ ଲୋକପ୍ରିୟ ‘ସମାଜ’ ସମ୍ବାଦପତ୍ରର ସମ୍ପାଦକ ଭାବେ ନିରଞ୍ଜନ ରଥ ଅବସ୍ଥାପିତ ହୋଇଛନ୍ତି। ସେ ଅଧୁନା ‘ସମାଜ’ର ମୁଦ୍ରାକର ଓ ପ୍ରକାଶକ ଦାୟିତ୍ବ ନିର୍ବାହ କରୁଥିବା ବେଳେ ‘ଲୋକ ସେବକ ମଣ୍ଡଳ, ଓଡ଼ିଶା’ ଶାଖାର ଅଧ୍ୟକ୍ଷ ରୂପେ ମଧ୍ୟ କାର୍ଯ୍ୟ କରୁଛନ୍ତି।
ଗତ ୮ ତାରିଖରେ ପ୍ରବୀଣ ଓ ଲୋକପ୍ରିୟ ସାମ୍ବାଦିକ କାନନ ବିହାରୀ ଦାଶ ଦୈନିକ ‘ସମାଜ’ର ସମ୍ପାଦକ ପଦରୁ ଅବ୍ୟାହତି ନେଇଛନ୍ତି। ପୂର୍ବରୁ ଶ୍ରୀ ଦାଶ ‘ସମାଜ’ର ଜଣେ ସହ-ସମ୍ପାଦକ ଭାବେ କାର୍ଯ୍ୟାରମ୍ଭ କରି, ବାର୍ତ୍ତା ସମ୍ପାଦକ ଦାୟିତ୍ବ ନିର୍ବାହ କରିଥିଲେ। ସେ ଜଣେ ପ୍ରବୀଣ ସାମ୍ବାଦିକ ଭାବେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି। ଶ୍ରୀ ଦାଶଙ୍କ ଅବ୍ୟାହତିରେ ‘ଲୋକ ସେବକ ମଣ୍ଡଳ, ଓଡ଼ିଶା’ ଶାଖା ପକ୍ଷରୁ ତାଙ୍କର ନିରାମୟ ଓ କର୍ମମୟ ଜୀବନର ସଫଳତା କାମନା କରାଯାଇଛି।
Comments are closed.