ସମାଜ ଡିଜିଟାଲ ଡେସ୍କ: ଶ୍ରୀଲଙ୍କା ଏୟାରଲାଇନ୍ସର ଏକ ନୂତନ ବିଜ୍ଞାପନ ଏବେ ଭାରତରେ ଚର୍ଚ୍ଚାର ବିଷୟ ପାଲଟିଛି। ଏୟାରଲାଇନ୍ସ କମ୍ପାନୀ ଅତି ରୋଚକ ଢଙ୍କରେ ଶ୍ରୀଲଙ୍କା ପର୍ଯ୍ୟଟନର ବିକାଶ ପାଇଁ ରାମାୟଣର ସାହାରା ନେଇଛି। ଏହି ବିଜ୍ଞାପନରେ ରାମାୟଣ ଜରିଆରେ ଦେଶର ସମୃଦ୍ଧ ସାଂସ୍କୃତିକ ପୃଷ୍ଠଭୂମିକୁ ଦର୍ଶାଯାଇଛି। ଏୟାରଲାଇନ୍ସ କମ୍ପାନୀ ପକ୍ଷରୁ ପ୍ରଦର୍ଶିତ ୫ ମିନିଟର ଏକ ଭିଡିଓରେ ଶ୍ରୀଲଙ୍କାର ସେହିସବୁ ସ୍ଥାନଗୁଡ଼ିକୁ ଦର୍ଶାଯାଇଛି, ଯାହା ରାମାୟଣରେ ବର୍ଣ୍ଣିତ ହୋଇଛି। ଭାରତରେ ଏହି ବିଜ୍ଞାପନକୁ ବେଶ୍ ପ୍ରଶଂସା କରାଯାଉଛି। ବିଜ୍ଞାପନରେ ରାବଣର ଗୁମ୍ଫା, ସୀତା ଅମ୍ମାନ ମନ୍ଦିର ସହିତ ଶ୍ରୀଲଙ୍କାର ଅନେକ ପ୍ରମୁଖ ପର୍ଯ୍ୟଟନସ୍ଥଳକୁ ସାମିଲ କରାଯାଇଛି।
ବିଜ୍ଞାପନ ଆରମ୍ଭରୁ ଜଣେ ଜଣେ ଜେଜେ ମା’ ନିଜ ନାତିକୁ ଶ୍ରୀଲଙ୍କାର ପର୍ଯ୍ୟଟନସ୍ଥଳଗୁଡ଼ିକ ବିଷୟରେ ଅବଗତ କରାଉଛନ୍ତି। ସେ ରାମାୟଣରେ ରହିଥିବା ସ୍ଥାନଗୁଡ଼ିକ ବିଷୟରେ ନାତିକୁ କହୁଛନ୍ତି। ଏଲା ନିକଟରେ ଥିବା ରାବଣର ଗୁମ୍ଫା, ଯେଉଁଠି ରାବଣ ମା’ ସୀତାଙ୍କୁ ଅପହରଣ ପରେ ରଖିଥିଲା। ସୀତା ଅମ୍ମାନ ମନ୍ଦିର, ଯାହାକୁ ଅଶୋକ ବାଟିକା ନାମରେ ଜଣାଯାଉଛି, ସେ ବିଷୟରେ ବି କହୁଛନ୍ତି। ଏହା ସହିତ ରାମସେତୁ ବିଷୟରେ ବି ଦର୍ଶାଯାଇଛି। ରାମାୟଣ କଥାବସ୍ତୁ ଅନୁସାରେ ଭଗବାନ ଶ୍ରୀରାମ ବାନର ସେନାଙ୍କ ସହାୟତାରେ ଏହି ସେତୁ ନିର୍ମାଣ କରିଥିଲେ।
ବିଜ୍ଞାପନର ଏକ ଦୃଶ୍ୟରେ ନାତି ନିଜର ଜେଜେ ମା’କୁ ପଚାରୁଛି ଯେ, ଏହି ସେତୁ କ’ଣ ଏବେ ବି ରହିଛି ? ଜେଜେ ମା’ ଉତ୍ତର ଦେଉଛନ୍ତି ହଁ, ତୁମେ ଆଜି ବି ଏହାକୁ ଦେଖିପାରିବ। ରାମାୟଣରେ ଦର୍ଶାଯାଇଥିବା ସମସ୍ତ ସ୍ଥାନ ବାସ୍ତବିକ ଅଟେ। ଆଜି ଆମେ ଲଙ୍କାକୁ ଶ୍ରୀଲଙ୍କା ନାମରେ ଜାଣୁଛେ।
କୁହାଯାଉଛି ଯେ, ଏହି ବିଜ୍ଞାପନ ଜରିଆରେ ଭାରତୀୟ ପର୍ଯ୍ୟଟକ ଏବଂ ଶ୍ରୀରାମ ଭକ୍ତମାନଙ୍କୁ ଆକର୍ଷିତ କରିବାକୁ ଉଦ୍ୟମ କରାଯାଇଛି। ଏହି ବିଜ୍ଞାପନ ଉପରେ ଜଣେ ସାମାଜିକ ଗଣମାଧ୍ୟମ ବ୍ୟବହାରକାରୀ ପ୍ରତିକ୍ରିୟା ରଖି କହିଛନ୍ତି, ଆଗାମୀ ବର୍ଷ ସାଙ୍ଗମାନଙ୍କ ସହିତ ଟୋକିଓ ଯିବାକୁ ଯୋଜନା ଥିଲା। କିନ୍ତୁ ଏହି ବିଜ୍ଞାପନ ଏବେ ମୋତେ ଶ୍ରୀଲଙ୍କା ଯିବାକୁ ବାଧ୍ୟ କରୁଛି।
Relive the epic of The Ramayana Trail
Embark on a journey through Sri Lanka’s legendary landscapes with SriLankan Holidays, offering a fully customized experience tailored just for you. Every step of your adventure is designed to bring out the grandeur and glory in the ancient… pic.twitter.com/jctUhc4JKn
— SriLankan Airlines (@flysrilankan) November 8, 2024
