ସମାଜ ଡିଜିଟାଲ ଡେସ୍କ: ପଞ୍ଚୁକରେ ପିଆଜ ଓ ରସୁଣର ବର୍ଦ୍ଧିତ ଦର ବଜାର ଖାଉଟିଙ୍କୁ ଚକିତ କରିଛି। ଧର୍ମମାସ କାର୍ତ୍ତିକର ପଞ୍ଚୁକ ୫ ଦିନ ଗାଁଠୁ ସହର ଅଧିକାଂଶ ଘରେ ସମ୍ପୂର୍ଣ୍ଣ ନିରାମିଷ ଭୋଜନ ହୋଇଥାଏ। ଏହାସତ୍ବେ ପିଆଜ ଓ ରସୁଣ ଦର ଆକାଶ ଛୁଆଁ ରହିଛି। କଟକ ଛତ୍ର ବଜାରରେ ପିଆଜ କିଲୋ ପ୍ରତି ୬୦ରୁ ୬୫ ଟଙ୍କାରେ ଖୁଚୁରାରେ ବିକ୍ରି ହେଉଛି। ସବୁଠୁ ଚିନ୍ତାଜନକ ସ୍ଥିତି ରସୁଣ ଦରକୁ ନେଇ ରହିଛି ଓ ରସୁଣ ଦର ପାଖାପାଖି ୬ ମାସରୁ ଅଧିକ ସମୟ ଧରି ଖସିବାର ନାଁ ଧରୁନାହିଁ। ରସୁଣ କିଲୋପ୍ରତି ଦର ଖୁଚୁରା ବଜାରରେ ୩୬୦ରୁ ୪୦୦ ଟଙ୍କା ଭିତରେ ରହୁଛି। ଏହାକୁ ନେଇ ଗ୍ରାହକ ଚିନ୍ତାରେ ଥିବାବେଳେ ବ୍ୟବସାୟୀ କହିଛନ୍ତି, ଏବେ କେବଳ ଆନ୍ଧ୍ର ପିଆଜ ବଜାରରେ ଉପଲବ୍ଧ ଥିବାରୁ ଦର ଉଚ୍ଚା ରହିଛି ଓ କିନ୍ତୁ ଆଗାମୀ ୧୫ ଦିନ ମଧ୍ୟରେ ମହାରାଷ୍ଟ୍ରର ନାସିକରେ ପିଆଜ ଅମଳ ଆରମ୍ଭ ହୋଇଗଲେ ଦର କମିବ।
Comments are closed.