ନୂଆଦିଲ୍ଲୀ: ଟେସଲା ମାଲିକ ଏଲୋନ୍ ମସ୍କଙ୍କ ଷ୍ଟାର୍ଟଅପ୍ ନ୍ୟୁରାଲି ଅସ୍ତ୍ରୋପଚାର ମାଧ୍ୟମରେ ମାନବ ମସ୍ତିଷ୍କରେ ଏକ ଚିପ୍ ଲଗାଇଛି। ଏହି ଡିଭାଇସ୍ ଟିଏକ ଛୋଟ ମୁଦ୍ରାର ଆକାର ସଦୃଶ। ଯାହା ମଣିଷ ମସ୍ତିଷ୍କ ଏବଂ କମ୍ପ୍ୟୁଟର ମଧ୍ୟରେ ସିଧାସଳଖ ଯୋଗାଯୋଗ ସୃଷ୍ଟି କରିବ। ଯଦି ମାନବ ପରୀକ୍ଷା ସଫଳ ହୁଏ ତେବେ ଦୃଷ୍ଟିହୀନମାନେ ମଧ୍ୟ ଏହି ଚିପ୍ ମାଧ୍ୟମରେ ଦେଖିପାରିବେ। ପକ୍ଷାଘାତ ରୋଗୀମାନେ ଚାଲିବା ଏବଂ କମ୍ପ୍ୟୁଟର ଚଳାଇବାରେ ସକ୍ଷମ ହେବେ। କମ୍ପାନୀ ଏହି ଚିପ୍ ର ନାମ ‘ଲିଙ୍କ୍’ ରଖିଛି। ଏଲୋନ୍ ମସ୍କ ତାଙ୍କ ଏକ୍ସ ପୋଷ୍ଟରେ ଲେଖିଛନ୍ତି, ‘ଏହି ଡିଭାଇସ୍ ମାଧ୍ୟମରେ ଆପଣ କେବଳ ଚିନ୍ତା କରିବା ମାତ୍ରେ ଆପଣଙ୍କ ଫୋନ୍, କମ୍ପ୍ୟୁଟର ଏବଂ ଅନ୍ୟ ଯେକୌଣସି ଉପକରଣକୁ ନିୟନ୍ତ୍ରଣ କରିବାରେ ସକ୍ଷମ ହୋଇପାରିବେ । ୨୦୨୩ ସେପ୍ଟେମ୍ବରରେ, ମଣିଷର ମସ୍ତିଷ୍କ-ଚିପ୍ କମ୍ପାନୀ ନ୍ୟୁରାଲିଙ୍କ କୁ ପ୍ରଥମ ମାନବ ପରୀକ୍ଷା ପାଇଁ ସ୍ବାଧୀନ ଅନୁଷ୍ଠାନ ସମୀକ୍ଷା ବୋର୍ଡରୁ ନିଯୁକ୍ତି ଅନୁମୋଦନ ମିଳିଥିଲା। କିନ୍ତୁ ଅନୁମୋଦନ ମିଳିବା ପରେ ନ୍ୟୁରାଲିଙ୍କ ମଣିଷ ପରୀକ୍ଷା ପାଇଁ ଲୋକଙ୍କୁ ନିଯୁକ୍ତି ଦେବ। ଏବଂ ଏହି ଉପକରଣକୁ ସେମାନଙ୍କ ଉପରେ ପରୀକ୍ଷା କରିବ। ନ୍ୟୁରାଲିଙ୍କ କହିବା ଅନୁଯାୟୀ ମେରୁଦଣ୍ଡରେ ଆଘାତ କିମ୍ବା (ALS) କାରଣରୁ କ୍ୱାଡ୍ରିପ୍ଲେଜିଆ ଥିବା ଲୋକଙ୍କ ଉପରେ ଏହି ପରୀକ୍ଷା ଚାଲିଛି। ଏହି ପରୀକ୍ଷଣରେ ଭାଗ ନେଇଥିବା ବ୍ୟକ୍ତିଙ୍କ ବୟସ ସର୍ବନିମ୍ନ ୨୨ ବର୍ଷ ହେବା ଉଚିତ୍ | ଏହି ଅଧ୍ୟୟନ ସମାପ୍ତ ହେବାକୁ ପ୍ରାୟ ୬ ବର୍ଷ ସମୟ ଲାଗିବ। ପରୀକ୍ଷଣରୁ କମ୍ପାନୀ ଏହା ଦେଖିବାକୁ ଚାହେଁ ଯେ , ଉପକରଣ ଗୁଡିକ କିପରି ରୋଗୀମାନଙ୍କ ଉପରେ କାମ କରୁଛି । ମେ ମାସରେ କମ୍ପାନୀ ଏହି ପରୀକ୍ଷା ପାଇଁ ଆମେରିକାର ଖାଦ୍ୟ ଏବଂ ଡ୍ରଗ୍ ଆଡମିନିଷ୍ଟ୍ରେସନ (ଏଫଡିଏ) ରୁ ଅନୁମୋଦନ ଲାଭ କରିଥିଲା।
Comments are closed.