ଡେସ୍କ: ନାମ୍ବିଆର ରାଷ୍ଟ୍ରପତି ହେଜ ଗୋଟଫ୍ରିଡ ଜିଙ୍ଗୋବଙ୍କର ରାଜଧାନୀ ୱିଣ୍ଡହୋକର ଏକ ଡାକ୍ତରଖାନାରେ ପରଲୋକ ଘଟିଛି। କାର୍ଯ୍ୟକାରୀ ରାଷ୍ଟ୍ରପତି ନାଙ୍ଗୋଲୋ ମ୍ବୁମ୍ବା ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ପୋଷ୍ଟରେ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ୮୨ବର୍ଷୀୟ ଜିଙ୍ଗୋବ ଗତକାଲି ରାତି ୧୨.୦୪ରେ ଡାକ୍ତରଖାନାରେ ମୃତ୍ୟୁ ବରଣ କରିଛନ୍ତି। ମୃତ୍ୟୁ ବେଳକୁ ତାଙ୍କ ପତ୍ନୀ ଏବଂ ପିଲାମାନେ ତାଙ୍କ ସହିତ ଥିଲେ।
୨୦ରୁ ମାଟ୍ରିକ ପରୀକ୍ଷା, ଦେଢ଼ଘଣ୍ଟା ପୂର୍ବରୁ କେନ୍ଦ୍ରକୁ ଯିବେ ପରୀକ୍ଷାର୍ଥୀ
ଗତ ଜାନୁଆରୀରେ କର୍କଟ ରୋଗରେ ଆକ୍ରାନ୍ତ ହୋଇଥିବା ଜଣାପଡିବା ପରେ ରାଷ୍ଟ୍ରପତି ଜିଙ୍ଗୋବ ହସ୍ପିଟାଲରେ ଚିକିତ୍ସିତ ହେଉଥିଲେ। ସେ ନାମ୍ବିଆର ତୃତୀୟ ରାଷ୍ଟ୍ରପତି ଥିଲେ ଏବଂ ୨୦୧୫ ପରଠାରୁ ସେ ଏହି ପଦରେ କାର୍ଯ୍ୟ କରୁଥିଲେ। ସେ ବର୍ତ୍ତମାନ ତାଙ୍କର ଦ୍ୱିତୀୟ କାର୍ଯ୍ୟକାଳରେ ଥିଲେ। ନାମ୍ବିଆ ଦକ୍ଷିଣ ଆଫ୍ରିକାରୁ ସ୍ୱାଧୀନତା ପାଇବା ପରେ ୧୯୯୦ରୁ ୨୦୦୨ ପର୍ଯ୍ୟନ୍ତ ସେ ଦେଶର ପ୍ରଥମ ପ୍ରଧାନମନ୍ତ୍ରୀ ଭାବରେ ମଧ୍ୟ କାର୍ଯ୍ୟ କରିଥିଲେ।
Comments are closed.