ଭୁବନେଶ୍ଵର : ନବରତ୍ନ ଉଦ୍ୟୋଗ ନ୍ୟାସନାଲ ଆଲୁମିନିୟମ କମ୍ପାନୀ ଲିମିଟେଡ଼(ନାଲକୋ) ଏହାର ପ୍ରଡକ୍ଟ ପୋର୍ଟଫୋଲିଓକୁ ଅଧିକ ମଜବୁତ ଓ ସୁବିସ୍ତୃତ କରିବା ଜାରି ରଖିଛି । ଅତୀତରେ ‘ସ୍ୱତନ୍ତ୍ର ଗୁଣ ଯୁକ୍ତ ମେକାନାଇଜଡ୍ ସୋଇନଗଟସ୍ (sow ingots)ର’ସଫଳ ପରୀକ୍ଷଣ ପରେ, କମ୍ପାନୀ ଘରୋଇ ବଜାରରେ ଏହି ବହୁମୁଖୀ ଉତ୍ପାଦର ବାଣିଜ୍ୟିକ ବିକ୍ରୟ ଆରମ୍ଭ କରିଛି ।
ନାଲକୋର ଅନଗୁଳ ସ୍ଥିତ ସ୍ମେଲ୍ଟର ପ୍ଲାଣ୍ଟରେଏହି ଉତ୍ପାଦର ପ୍ରଥମ କନସାଇନମେଣ୍ଟ, କମ୍ପାନୀର ଉଚ୍ଚ ପଦାଧିକାରୀଙ୍କ ଉପସ୍ଥିତିରେ ପ୍ଲାଣ୍ଟର କାର୍ଯ୍ୟନିର୍ବାହୀ ନିର୍ଦ୍ଦେଶକ ଅମିୟ କୁମାର ସ୍ଵାଇଁଙ୍କ ଦ୍ଵାରା ଶୁଭାରମ୍ଭ ହେବା ପରେ ବଜାରକୁ ପ୍ରେରଣ କରାଯାଇଛି।
ଉଲ୍ଲେଖଯୋଗ୍ୟ ଯେ, ନାଲକୋ ଦ୍ଵାରା ପ୍ରସ୍ତୁତ ମେକାନାଇଜଡ୍ ସୋଇନଗଟସ୍ ଖାଦ ମୁକ୍ତ ହୋଇଥିବା ସହ ଏଥିରୁ ପ୍ରସ୍ତୁତ ଉତ୍ପାଦ ଅଧିକ ମସୃଣ ଓ ଗୁଣାତ୍ମକ ହୋଇଥାଏ । ବିଭିନ୍ନ ଉତ୍ପାଦ ପ୍ରସ୍ତୁତ କରୁଥିବା ଏମଏସଏମଇ ଗୁଡ଼ିକ ପାଇଁ ଏହି ଉତ୍ପାଦ ବିଶେଷ ଭାବେ ଲାଭଦାୟକ ହୋଇପାରିବ।
ଏହି ସ୍ୱତନ୍ତ୍ର ମେକାନାଇଜଡ୍ ସୋଇନଗଟସ୍ ଖଣ୍ଡ ପ୍ରତି ୬୫୦ କି.ଗ୍ରା. (+/-୫୦ କି.ଗ୍ରା.) ଓଜନରେ ଉପଲବ୍ଧ ହେଉଛି । ଉଭୟ ଘରୋଇ ତଥା ଆନ୍ତର୍ଜାତୀୟ ବଜାରରେ ଗ୍ରାହକଙ୍କ ଆବଶ୍ୟକତା ପୂରଣ କରିବାରେଏହି ଉତ୍ପାଦ ବହୁ ମାତ୍ରାରେ ସହାୟକ ହୋଇପାରିବ।
Comments are closed.