ପାଟଣା: ସାଧାରଣ ନିର୍ବାଚନ ପାଇଁ ପ୍ରମୁଖ ଦଳ ପକ୍ଷରୁ ପ୍ରାର୍ଥୀ ତାଲିକା ଘୋଷଣା କରାଯାଇନଥିବା ବେଳେ ନବ ନିର୍ମାଣ କୃଷକ ସଂଗଠନ ରାଜ୍ୟର କିଛି ନିର୍ବାଚନ ମଣ୍ଡଳୀ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି । ଏହି ପରିପ୍ରେକ୍ଷୀରେ ପାଟଣା ନିର୍ବାଚନ ମଣ୍ଡଳୀ ପାଇଁ ୩୦ ବର୍ଷୀୟ ଜଣେ ମେଧାବୀ ଯୁବକ ଇଂ ଦୀପକ କୁମାର ନାୟକଙ୍କୁ ସଂଗଠନ ପ୍ରାର୍ଥୀ କରିଛି । ଶ୍ରୀ ନାଏକଙ୍କ ଘର ସାହାରପଡା ବ୍ଲକ ଗଣ୍ଡବେଡ଼ା ପଞ୍ଚାୟତ ଦାନୁଆ ଟାଙ୍ଗରପଡା ଗ୍ରାମରେ ଓ ସେ ସ୍ବର୍ଗତ ମୋହନ ଚରଣ ନାୟକଙ୍କ ପୁଅ ବୋଲି ଜଣାପଡିଛି । ଦୀପକ କୁମାର ବିଜ୍ଞାନରେ ସ୍ନାତକ ସହ ଏମବିଏ ଓ ଏମଟେକ କରିଥିବାରୁ ଜଣେ ଯୋଗ୍ୟ ପ୍ରାର୍ଥୀ ଭାବେ ମଇଦାନକୁ ଓହ୍ଲାଇଛନ୍ତି । ଅବିବାହିତ ଥିବା ଦୀପକ ଏହି ନିର୍ବାଚନକୁ ଗୁରୁତ୍ଵ ଦେଇ ଲଢି ଭଲ ପ୍ରଦର୍ଶନ କରିବେ ବୋଲି ସୂଚନା ଦେଇଛନ୍ତି ।
Popular Categories
Previous article
Next article