ଚୌଦ୍ୱାର : ଚୌଦ୍ୱାର ନିକଟ ବାଣୀପଦା ସ୍ଥିତ ଉତ୍କଳ ଇଣ୍ଟରନେସନାଲ ସ୍କୁଲ ପରିସରରେ ୨ ଦିନ ଧରି ଚାଲିଥିବା ରାଜ୍ୟସ୍ତରୀୟ ନେଟ୍ ବଲ୍ ଚମ୍ପିୟନସିପ୍ ରବିବାର ଦିନ ଉଦଯାପିତ ହୋଇ ଯାଇଛି । ମହିଳା ବିଭାଗରେ କଟକ ସଦର ଓ କଟକ ଜିଲା ଟିମ୍ ମଧ୍ୟରେ ଅନୁଷ୍ଠିତ ଫାଇନାଲ ମ୍ୟାଚରେ କଟକ ଜିଲା ୧୯/୧୩ ଗୋଲରେ ବିଜୟ ହାସଲ କରିଥିଲେ। ସେହିପରି ପୁରୁଷ ବିଭାଗରେ କଟକ ସଦର ଓ କଟକର ଜାଗୁଳାଇ ଟିମ୍ ମଧ୍ୟରେ ଅନୁଷ୍ଠିତ ପ୍ରତିଯୋଗିତାରେ କଟକ ସଦର ୧୪/୧୨ ଗୋଲରେ ବିଜୟୀ ହୋଇଥିଲେ । ମ୍ୟାଚ୍ ଗୁଡ଼ିକୁ ରୋଫେରୀ ଅଜୟ ମହାନ୍ତି, ସଂଗ୍ରାମ ବିଶ୍ୱାଳ, ଶିଶିର ଦାସ, ପ୍ରସନ୍ନ ଦାସ ଓ ଏମ୍. ଡି. ଆସିଫ ପରିଚାଳନା କରିଥିଲେ । ବିଦ୍ୟାଳୟର ପ୍ରତିଷ୍ଠାତା ଗଣେଶ ପ୍ରସାଦ ବେହେରାଙ୍କ ପୌରହିତ୍ୟରେ ଅନୁଷ୍ଠିତ ଉଦଯାପନ ଉତ୍ସବରେ ରାଜ୍ୟ ନେଟ୍ ବଲ୍ ସଂଘର ସାଧାରଣ ସଂପାଦକ ପ୍ରମୋଦ କୁମାର ପଣ୍ଡା, ଯୁବ ସାମାଜିକ କର୍ମୀ ତୀର୍ଥାନନ୍ଦ ସୁବୁଦ୍ଧିରାୟ, ଲକ୍ଷ୍ମଣ ରାଉତ, ସତ୍ୟବ୍ରତ ଦାସ ଓ ସହଦେବ ବରାଳ ପ୍ରମୁଖ ଅତିଥି ଭାବେ ଯୋଗଦେଇ ଉଭୟ ବିଭାଗର ବିଜୟୀ ଓ ରନର୍ସଅପ୍ ଦଳଙ୍କୁ ଟ୍ରଫି ଓ ମାନପତ୍ର ପ୍ରଦାନ କରିଥିଲେ । ପ୍ରତିଯୋଗିତାରେ ଅଂଶ ଗ୍ରହଣ କରିଥିବା ସମସ୍ତ ଖେଳାଳି ମାନଙ୍କୁ ପ୍ରମାଣ ପତ୍ର ପ୍ରଦାନ କରାଯାଇଥିଲା । ବିଦ୍ୟାଳୟ ଅଧ୍ୟକ୍ଷ ବୈକୁଣ୍ଠ ନାଥ ତାରେଣିଆ କାର୍ଯ୍ୟକ୍ରମ ପରିଚାଳନା କରିଥିଲେ।
Popular Categories
Previous article
Next article