ମୁମ୍ବଇ : ମୁମ୍ବଇ ନାଗପୁର ସମୃଦ୍ଧି ମହାମାର୍ଗରେ ଏକ ବଡ ଧରଣର ସଡକ ଦୁର୍ଘଟଣା ଘଟିଛି। ଦୁଇ କାର୍ ମୁହାଁମୁହିଁ ଧକ୍କା ହେବା ଫଳରେ ୬ ଜଣଙ୍କ ମୃତ୍ୟୁ ହୋଇଥିବା ବେଳେ ୪ ଜଣ ଆହତ ହୋଇଛନ୍ତି। ବିଳମ୍ବିତ ରାତି ପ୍ରାୟ ୧୧ଟରେ ଏହି ଦୁର୍ଘଟଣା ଘଟିଛି।
ମିଳିଥିବା ସୂଚନା ଅନୁଯାୟୀ, ନାଗପୁରରୁ ଡିଜେଲ ଭର୍ତ୍ତି କରି ମୁମ୍ବଇ ଆସୁଥିବା କାର୍ କୁ ଭୁଲ୍ ଦିଗରେ ଆସୁଥିବା ଅନ୍ୟ ଏକ କାର୍ ଧକ୍କା ଦେଇଥିଲା। ଧକ୍କା ଖୁବ୍ ଜୋରରେ ହୋଇଥିବାରୁ କାରରେ ଥିବା ଯାତ୍ରୀମାନେ ବାହାରକୁ ଛିଟକି ପଡିଥିଲେ। ଦୁର୍ଘଟଣା ବିଷୟରେ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି କ୍ରେନ ସାହାଯ୍ୟରେ ୨ଟି କାରକୁ ଜବତ କରି ମୃତାହତଙ୍କୁ ହସ୍ପିଟାଲରେ ଭର୍ତ୍ତି କରି ଘଟଣାର ତଦନ୍ତ ଜାରି ରଖିଛି।
Comments are closed.