ନୂଆଦିଲ୍ଲୀ: ମଧ୍ୟପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ନୂଆ ମୋଡ଼ । ପଞ୍ଚାୟତ ନିର୍ବାଚନ ବାତିଲ କରିବାକୁ ରାଜ୍ୟପାଳଙ୍କ ନିକଟକୁ ଏକ ପ୍ରସ୍ତାବ ପଠାଯାଇଛି । ମଧ୍ୟପ୍ରଦେଶ କ୍ୟାବିନେଟର ବୈଠକରେ ଆସିଥିବା ନିୟମାବଳୀ ପ୍ରତ୍ୟାହାର କରି ପଞ୍ଚାୟତ ନିର୍ବାଚନ ବାତିଲ କରିବାକୁ କୁହାଯାଇଥିବା ଜଣାପଡ଼ିଛି । ରାଜ୍ୟପାଳ ରାଜ୍ୟ ନିର୍ବାଚନ ଆୟୋଗକୁ ନିର୍ଦ୍ଦେଶ ଦେଇପାରିବେ ।
ତେବେ ଏହି ପ୍ରକ୍ରିୟା ଜାରି ରହିବ ବୋଲି ରାଜ୍ୟ ନିର୍ବାଚନ ଆୟୋଗର ସୂତ୍ରରୁ କୁହାଯାଇ଼ିଛି । ଡିସେମ୍ବର ୧୭ ରେ, ସୁପ୍ରିମକୋର୍ଟ ପଞ୍ଚାୟତ ନିର୍ବାଚନରେ ଓବିସି ସଂରକ୍ଷଣ ଉପରେ ପ୍ରତିବନ୍ଧକ ଲଗାଇ ପଛୁଆ ବର୍ଗଙ୍କ ପାଇଁ ସଂରକ୍ଷିତ ପଦବୀ ପାଇଁ ବିଜ୍ଞପ୍ତି ଜାରି କରିବାକୁ ନିର୍ଦ୍ଦେଶ ଦେଇଥିଲେ। ସେବେଠାରୁ କଂଗ୍ରେସ ଓ ବିଜେପି ପରସ୍ପରକୁ ଓବିସି ବିରୋଧୀ ବୋଲି ଅଭିଯୋଗ କରି ଆସୁଛନ୍ତି।
