ବାରାଣସୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କର ୬୮ତମ ଜନ୍ମଦିନ ନିଜ ନିର୍ବାଚନ ମଣ୍ଡଳୀ ବାରାଣସୀରେ ପାଳନ କରିବେ। ଏ ସମ୍ପର୍କରେ ସୂଚନା ଦେଇ ଜଣେ ଜିଲାସ୍ତରୀୟ ଅଧିକାରୀ କହିଛନ୍ତି ଯେ ଜନ୍ମଦିନ ଅବସରରେ ମୋଦୀ କାଶୀ ବିଶ୍ୱନାଥ ମନ୍ଦିରରେ ପୂଜାର୍ଚ୍ଚନା କରିବା ସହ ସ୍କୁଲ ଛାତ୍ରଛାତ୍ରୀଙ୍କ ଗହଣରେ ନିଜ ଜୀବନୀ ଉପରେ ଆଧାରିତ ୩୨ମିନିଟ୍ର ଚଳଚ୍ଚିତ୍ର ‘ଚଲୋ ଜିତେ ହେଁ’ ଦେଖିବା କାର୍ଯ୍ୟକ୍ରମ ରହିଛି। ୧୯୫୦ ସେପ୍ଟେମ୍ବର ୧୭ରେ ଜନ୍ମିତ ମୋଦୀ ସେଦିନ ନିଜ ନିର୍ବାଚନ ମଣ୍ଡଳୀରେ କେତେକ ଉନ୍ନୟନ ପ୍ରକଳ୍ପର ଶୁଭାରମ୍ଭ ସହ ଉଦ୍ଘାଟନ କରିବା କାର୍ଯ୍ୟକ୍ରମ ମଧ୍ୟ ରହିଛି। ଏହି ଉପଲକ୍ଷେ ମଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବାରାଣସୀ ଗସ୍ତ ପୂର୍ବକ ପ୍ରଧାନମନ୍ତ୍ରୀଙ୍କ ଆଗମନ ପାଇଁ ପ୍ରସ୍ତୁତି କାର୍ଯ୍ୟର ସମୀକ୍ଷା କରିଛନ୍ତି। ମୋଦୀ ଗତ ଜୁଳାଇ ୧୪ରେ ବାରାଣସୀ ଯାଇ ୪୮୭କୋଟି ଟଙ୍କାର ୧୨ଟି ପ୍ରକଳ୍ପ କାର୍ଯ୍ୟକାରୀ କରିଥିଲେ। ଗତ ବର୍ଷ ଜନ୍ମ ଦିନରେ ସେ ଗାନ୍ଧୀନଗରଠାରେ ନିଜ ମା’ ହୀରାବାଙ୍କୁ ସାକ୍ଷାତ କରିବା ସହ ସର୍ଦାର ସରୋବର ନଦୀବନ୍ଧ ଉଦ୍ଘାଟନ କରିଥିଲେ। ବିଜେପି ପକ୍ଷରୁ ଏହି ଦିନକୁ ‘ସେବା ଦିବସ’ ଭାବେ ପାଳନ କରାଯାଉଛି।
Popular Categories
Previous article
Next article