ବ୍ରହ୍ମପୁର: ଏମକେସିଜି ମେଡିକାଲ କଲେଜ ଓ ହସ୍ପିଟାଲ ସୁପର ସ୍ପେସିଆଲିଟି ବ୍ଲକ ସର୍ଜରୀ ବିଭାଗର ଲିଫ୍ଟ ହଠାତ ଅଚଳ ହୋଇଯାଇଥିବା ସୂଚନା ମିଳିଛି । ଫଳରେ ୧୦ ଜଣ ବ୍ୟକ୍ତି ଲିଫ୍ଟ ଭିତରେ ଅଧଘଣ୍ଟା ଯାଏଁ ଫସି ରହିଥିଲେ। ଏବେ ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇସାରିଛି । ବର୍ତ୍ତମାନ ସୁଦ୍ଧା ସେହି ଲିଫ୍ଟଟି ଅଚଳ ରହିଛି । ଏଠାରେ ଥିବା ଆଉ ୩ ଟି ଲିଫ୍ଟ ୬ ମାସ ହେବ ଖରାପ ହୋଇ ପଡିରହିଛି । ଏମକେସିଜି କର୍ତ୍ତୃପକ୍ଷଙ୍କ ଅବହେଳାରୁ ସେଗୁଡିକ ଆଜିଯାଏଁ ମରାମତି ହୋଇପାରିନି । ସେହିକ୍ରମରେ କାର୍ଯ୍ୟକ୍ଷମ ଥିବା ଏକମାତ୍ର ଲିଫ୍ଟରେ ଦିନକୁ ୧୦୦୦ ରୁ ଅଧିକ ଜଣ ଯିବା ଆସିବା କରୁଥିଲେ । ଏହି ୫ ମହଲା କୋଠାରେ ୫୦୦ରୁ ଅଧିକ ରୋଗୀ, ଡାକ୍ତର ଓ କର୍ମଚାରୀ ରହୁଥିବା ବେଳେ ଶହ ଶହ ରୋଗୀ ସମ୍ପର୍କୀୟ ଯାତାୟତ କରୁଥିଲେ । ହେଲେ ଆଜି ଦିନ ୧୧ ଟା ବେଳେ ୧୦ ଜଣ ବ୍ୟକ୍ତି ୪ର୍ଥ ମହଲାକୁ ଯାଉଥିବା ବେଳେ ୨ୟ ମହଲା ନିକଟରେ ଏହା ହଠାତ ଅଚଳ ହୋଇଯାଇଥିଲା । ଅଧଘଣ୍ଟା ପରେ କୌଣସି ପ୍ରକାରେ ସେମାନଙ୍କୁ ବାହାରକୁ ଅଣାଯାଇଥିଲା ।
Comments are closed.