ସମାଜ ଡିଜିଟାଲ ଡେସ୍କ: ଇସ୍ରାଏଲ-ଇରାନ ଯୁଦ୍ଧ ଦିନକୁ ଦିନ ଉଗ୍ର ରୂପ ନେଉଛି। ଏହା ମଧ୍ୟରେ ପ୍ରତିଦିନ ଯୁଦ୍ଧର କିଛି ନା କିଛି ଛାତିଥରା ଭିଡିଓ ସାମ୍ନାକୁ ଆସୁଛି। ସୋମବାର ଏଭଳି କିଛି ଭିଡିଓ ସାମ୍ନାକୁ ଆସିଛି। ଇସ୍ରାଏଲ ଇରାନର ତେହରାନସ୍ଥିତ ଏକ ଜେଲରେ କ୍ଷେପଣାସ୍ତ୍ର ମାଡ଼ କରିଛି। ସେହିପରି ଇରାନ ପକ୍ଷରୁ ଦକ୍ଷିଣ ଇସ୍ରାଏଲ ଅନ୍ତର୍ଗତ ଅଶଦୋଦ ଅଞ୍ଚଳରେ ବି ଅନେକ କ୍ଷେପଣାସ୍ତ୍ର ଆକ୍ରମଣ କରାଯାଇଛି। କିନ୍ତୁ ତା’ ଭିତରୁ ଗୋଟିଏ କ୍ଷେପଣାସ୍ତ୍ର ଆକ୍ରମଣର ଦୃଶ୍ୟ ଦେଖିଲେ ଯେକେହି ଭୟଭୀତ ହୋଇପଡ଼ିବେ।
କାରଣ ଭିଡିଓଟିରେ ଦେଖିବାକୁ ମିଳିଛି ଯେ, ରାସ୍ତାରେ ଗାଡ଼ିମୋଟର ଯାଉଛି। ଏହି ସମୟରେ ଏକ କ୍ଷେପଣାସ୍ତ୍ର ଆସି ରାସ୍ତା କଡ଼ରେ ମାଡ଼ ହେଉଛି। ଯାହାର ଦୃଶ୍ୟ ଅତ୍ୟନ୍ତ ଭୟଙ୍କର। ଗୋଟିଏ କାର ସେହି ବାଟରେ ଯାଉଥିବାବେଳେ ସେଥିରେ ଲାଗିଥିବା କ୍ୟାମେରାରେ ଏହି ଦୃଶ୍ୟ କଏଦ ହୋଇଛି। ଯାହା ସାମାଜିକ ଗଣମାଧ୍ୟମରେ ଭାଇରାଲ ହୋଇଛି।
Massive explosion moment Iranian missile hits Israeli city of Ashdod https://t.co/8QfMYB4nnz pic.twitter.com/okm9o29D3M
— RT (@RT_com) June 23, 2025
