ନୂଆଦିଲ୍ଲୀ : ପ୍ରବର୍ତ୍ତନ ନିର୍ଦେଶାଳୟକୁ ଏକ ବଡ ସଫଳତା ମିଳିଛି । ୩୬୦୦ କୋଟି ଟଙ୍କାର ଅଗସ୍ତା ୱେଷ୍ଟଲାଣ୍ଡ ମାମଲାରେ ଅନ୍ୟ ଜଣେ ଅଭିଯୁକ୍ତ ତଥା ଏହି ଚୁକ୍ତିର ମଧ୍ୟସ୍ଥି ମୁଶେନ ମୋହନ ଗୁପ୍ତାଙ୍କୁ ପ୍ରବର୍ତ୍ତନ ନିର୍ଦେଶାଳୟ ବା ଇଡି ଗିରଫ କରିଛି । ତାଙ୍କୁ ଦିଲ୍ଲୀ ପଟିଆଲା ହାଉସ କୋର୍ଟରେ ହାଜର କରାଯିବ । ମୁଶେନ ମୋହନ ଗୁପ୍ତାଙ୍କ ଗିରଫ ପରେ ଏହି ମାମଲାରେ ଅହୁରି ଅଧିକ ରହସ୍ୟର ଉନ୍ମୋଚିତ ହେବ ବୋଲି ଆଶା କରାଯାଉଛି । ଏହି ମାମଲାର ଆଇନଜୀବୀ ଗୌତମ ଖୈତାନ ଏବଂ ମୁଖ୍ୟ ମଧ୍ୟସ୍ଥି କିଶ୍ଚିୟନ ମିଶେଲଙ୍କୁ ମଧ୍ୟ ଇଡି ଗିରଫ କରିସାରିଛି।
ଅଗସ୍ତ ୱେଷ୍ଟଲାଣ୍ଡ ଦୁର୍ନୀତି ମାମଲାରେ ସଂପୃକ୍ତ ଥିବା ଦୁବାଇ ବ୍ୟବସାୟୀ ରାଜୀବ ସକ୍ସେନା ଏବେ ସରକାରୀ ସାକ୍ଷୀ ସାଜିଛନ୍ତି । ଏକ ନାଟକୀୟ ଘଟଣାକ୍ରମରେ ଜାନୁଆରୀ ୩୧ରେ ସରକାର ସକ୍ସେନାଙ୍କୁ ଦୁବାଇରୁ ଭାରତକୁ ପ୍ରତ୍ୟାର୍ପଣ କରାଇଥିଲେ । ସିବିଆଇର ସ୍ବତନ୍ତ୍ର ଅଦାଲତ ସେକ୍ସେନାଙ୍କୁ ସରକାରୀ ସାକ୍ଷୀ ଭାବେ ହାଜର କରିବା ଅନୁମତି ଦେଇଛନ୍ତି ।
ଅଗସ୍ତା ୱେଷ୍ଟଲାଣ୍ଡ ହେଲିକପ୍ଟର ବିଶେଷତ୍ବ
ଏହି ହେଲିକପ୍ଟରରେରେ ୩ଟି ମଜବୁତ୍ ଇଞ୍ଜିନ ରହିଛି । ମୋଟ ୧୨ଟି ହେଲିକପ୍ଟର ଭିଭିଆଇପି ଲୋକଙ୍କ ପାଇଁ କ୍ରୟ ହେବାର ଯୋଜନା ଥିଲା। ଏଥିରେ ୩୬୦ ଡିଗ୍ରୀ ନିରକ୍ଷଣ କରିବା ପାଇଁ ରଡାର ସହ ଆତ୍ମରକ୍ଷା ସୁଟ ରହିଛି । ୭୪.୯୨ ଫୁଟ ଲମ୍ବା ଏବଂ ୨୧.୮୩ ଉଚ୍ଚତା ବିଶିଷ୍ଟ ଏହି ହେଲିକପ୍ଟରର ଘଣ୍ଟା ପ୍ରତି ବେଗ ୨୭୮ କିମି ରହିଛି ।
