ଜି ଉଦୟଗିରି : ଆଗାମୀ ଡ଼ିସେମ୍ବର ୨୫ ବଡଦିନ ଓ ନୂଆବର୍ଷ ଶାନ୍ତି ଶୃଙ୍ଖଳାର ସହ ପାଳନ କରିବା ପାଇଁ ଉପଖଣ୍ଡ ପୁଲିସ ଅଧିକାରୀ ବିଜୟ କୁମାର ବିଶିଙ୍କ ଅଧ୍ୟକ୍ଷତାରେ ବିଭିନ୍ନ ପଞ୍ଚାୟତର ଜନପ୍ରତିନିଧି, ବିଭିନ୍ନ ସମ୍ପ୍ରଦାୟର ମୁଖିଆ, ଗଣମାଧ୍ୟମ ପ୍ରତିନିଧି ଓ ବିଜ୍ଞାପିତ ଅଞ୍ଚଳ ପରିଷଦ ୱାର୍ଡ ସଭ୍ୟ ଓ ସଭ୍ୟାଙ୍କୁ ନେଇ ପଞ୍ଚାୟତ ସମିତି ପ୍ରେକ୍ଷାଳୟରେ ଆଲୋଚନା ଅନୁଷ୍ଠିତ ହୋଇଯାଇଛି। ଉକ୍ତ ଶାନ୍ତି କମିଟିରେ ପଞ୍ଚାୟତ ସମିତି ଅଧ୍ୟକ୍ଷା ସୁଷମା ପ୍ରଧାନ, ଅତିରିକ୍ତ ତହସିଲଦାର ଫାଲଗୁନି କୁମାର, ଗ୍ରାମପଞ୍ଚାୟତ ସମ୍ପ୍ରସାରଣ ଅଧିକାରୀ କୁମର ମଣି ମଲ୍ଲିକ, ଓ ଥାନା ଅଧିକାରୀ ଭଗବାନ ପୁଜାରୀ ଉପସ୍ଥିତ ରହି ଶାନ୍ତି ଶୃଙ୍ଖଳା ପାଇଁ ୪ ପ୍ଲାଟୁନ ପୁଲିସ ଫୋର୍ସ, ୪ଟି ଗାଡି, ବିଭିନ୍ନ ସ୍ଥାନରେ ନାକା ଚେକିଂ, ଅପ୍ରୀତିକର ସୃଷ୍ଟି କରୁଥିବା ବ୍ୟକ୍ତି ବିଷୟରେ ତୁରନ୍ତ ଜଣାଇବା ପାଇଁ ଏକ ହ୍ୱାଟସ ଆପ୍ ଗ୍ରୁପ ଖୋଲାଯାଇଥିବା, ପେଟ୍ରୋଲିଂ କଡ଼ାକଡ଼ି କରାଯିବା, ଅତି ସମ୍ବେଦନଶୀଳ ଥିବା ୪ଟି ଚର୍ଚ୍ଚ ଓ ପର୍ଯ୍ୟଟକଙ୍କ ଉପରେ ତୀକ୍ଷଣ ନଜର ରଖିବା ସହ ବରିଷ୍ଠ ପଦାଧିକାରୀମାନେ ଉପସ୍ଥିତ ରହିବା ନେଇ କମିଟିରେ ଆଲୋଚନା ହୋଇଥିଲା ।
Popular Categories
Previous article
Next article