ପାଟଣା : ପାଟଣା ବ୍ଲକ ଅନ୍ତର୍ଗତ ପଲାଣଘାଟି ପଞ୍ଚାୟତ କୁମୁଳାବାହାଳିର ମାରାଂବୁରୁ ମାର୍ଶାଲ କ୍ଲବ ପକ୍ଷରୁ ବାର୍ଷିକ ଫୁଟବଲ ପ୍ରତିଯୋଗିତା ଆରମ୍ଭ ହୋଇଛି । ପ୍ରତିଯୋଗିତାକୁ ସାମାଜିକ କର୍ମୀ ଉର୍ମିଳା ମୁର୍ମୁ ଉଦଘାଟନ କରିଥିଲେ। ପ୍ରତିଯୋଗିତାରେ କେନ୍ଦୁଝର, ଯାଜପୁର ଓ ମୟୁରଭଞ୍ଜ ଜିଲ୍ଲାରୁ ମୋଟ ୩୨ଟି ଫୁଟବଲ ଦଳ ଯୋଗ ଦେଇଥିବାବେଳେ ଉଦଘାଟନୀ ମ୍ୟାଚ ନଳବିଲା ଓ ଛୋଟରାୟପୁର ମଧ୍ୟରେ ହୋଇଥିଲା। ପ୍ରତିଯୋଗିତାରେ ଅତିଥି ଭାବେ ପୂର୍ବତନ ପାଟଣା ବ୍ଲକ ଅଧ୍ୟକ୍ଷ ତଥା ପଲାଣଘାଟି ସମିତି ସଭ୍ୟ ବିଶ୍ୱନାଥ ନାୟକ ,ଓଡିଶା କୁଡୁମିସେନା ରାଜ୍ୟ ଉପସଭାପତି ମିତ୍ରଭାନୁ ମହାନ୍ତ ପ୍ରମୁଖ ଯୋଗ ଦେଇଥିଲେ । କ୍ଲବର ଉପଦେଷ୍ଟା ରାମଚନ୍ଦ୍ର ସୋରେନ,ସଭାପତି ଦାଶରଥି ସୋରେନ, ସମ୍ପାଦକ ମହେଶ୍ୱର ହେମ୍ବ୍ରମ ଓ କୋଷାଧ୍ୟକ୍ଷ କୁଆଁର ମାଝୀଙ୍କ ସହ ଅନ୍ୟ ମାନେ ପ୍ରତିଯୋଗିତା ପରିଚାଳନା କରୁଛନ୍ତି ।
Comments are closed.