ସମାଜ ଡିଜିଟାଲ ଡେସ୍କ: ଶୀଘ୍ର ଲୁଚିଯାଅ, ମାରିଦେବେ ଲୁଚିଯାଅ । ଏଭଳି କିଛି ଶେଷ ଲେଖା ଲେଖିଥିଲେ ମାଓନେତା ବାସବରାଜୁ । ମାଓବାଦୀଙ୍କୁ ନିପାତ କରିବା ପାଇଁ ଆରମ୍ଭ ହୋଇଥିବା ଅଭିଯାନ ସଫଳ ହେବା ପରେ ମାଓନେତାଙ୍କ ଶେଷ ହାତ ଲେଖା ଚିଠି । ମାଓ ନିପାତ ଅପରେସନ ଜୋରଦାର ଚାଲିଥିବା ବେଳେ ଏମିତି କିଛି ଲେଖିଥିଲା ମାଓନେତା ବାସବରାଜୁ । ସାଥି ମାଓବାଦୀଙ୍କୁ ଲୁଚି ଯିବାକୁ ପରାମର୍ଶ ଦେବା ସହ ଡିଆରଜି ଯବାନମାନେ ଖୋଜି ଖୋଜି ବାହାର କରିବେ ଏବଂ ମାରିବେ ବୋଲି ଚିଠିରେ ଲେଖିଥିଲେ ମାଓନେତା ।
ସୂଚନା ଅନୁସାରେ ଛତିଶଗଡ ଅବୁଝମାଡ ଜଙ୍ଗଲର ଜାଟଲୁ ଅଞ୍ଚଳରେ ବଡଗଡ ମାଓନେତା ଓ କମାଣ୍ଡର ଏକାଠି ହୋଇଥିବା ବେଳେ ବଡ ଅପରେସନ କରିଥିଲେ ସୁରକ୍ଷାକର୍ମୀ । ଛତିଶଗଡର ନାରାୟଣପୁର ସମେତ ଦାନ୍ତେୱାଡା ଓ କୋଣ୍ଡାଗାଓଁର ଡିଆରଜି ଯବାନଙ୍କ ପକ୍ଷରୁ ପୁରା ଅଞ୍ଚଳକୁ ଘେରାବନ୍ଦୀ କରି ମାଓବାଦୀଙ୍କୁ ନିପାତ କରାଯାଇଥିଲା । ଏନକାଉଣ୍ଟରେ ୨୬ଜଣ ମାଓବାଦୀଙ୍କୁ ନିପାତ କରାଯାଇଥିଲା ।
ମାରିଦେବେ, ଲୁଚିଯାଅ-ମାଓନେତାଙ୍କ ଶେଷ ଲେଖା ଚିଠି
Popular Categories
Previous article
Next article