ମାଲକାନଗିରି : ମାଲକାନଗିରି ଜିଲା କାଲିମେଳା ଟେକଗୁଡାରେ ଆନ୍ଧ୍ର-ଓଡ଼ିଶା ବର୍ଡର ଡିଭିଜନ ମାଓବାଦୀ ସଙ୍ଗଠନର ବନ୍ଦ ଡାକରାକୁ ବିରୋଧ କରାଯାଇଛି। ଏଥିପାଇଁ ସମ୍ପୁର୍ଣ୍ଣ ହିଂସା ମୁକ୍ତ ଓଡିଶା ଅଭିଯାନ ପକ୍ଷରୁ ମାଓ ବିରୋଧି ପୋଷ୍ଟର ଦେଖିବାକୁ ମିଳିଛି। ପୋଷ୍ଟରରେ ଉଲ୍ଲେଖ ରହିଛି ଯେ, ଦେଶଦ୍ରୋହୀଙ୍କ ହତ୍ୟା ବିରୋଧରେ କ’ଣ ପାଇଁ ଆନ୍ଧ୍ର-ଓଡ଼ିଶା ବର୍ଡର ଡିଭିଜନ ମାଓବାଦୀ ସଙ୍ଗଠନ ଅଧା ଓଡିଶା ବନ୍ଦ ଡାକରା ଦେଇଛି, ମାଓବାଦୀଙ୍କ ବନ୍ଦ ଯୋଗୁଁ ଯାତାୟତ ଓ ଦୋକାନ ବଜାର କ’ଣ ପାଇଁ ବନ୍ଦ ରହିବ ବୋଲି ପୋଷ୍ଟରରେ ଉଲ୍ଲେଖ ରହିଛି। ଏହାସହ ସାଥି ମାଓବାଦୀଙ୍କ ପାଇଁ ସ୍କୃତି ଭେଟି ନୁହେଁ ତାହା ଜନତାଙ୍କ ଉପରେ ଅତ୍ୟାଚାର, ଆନ୍ଧ୍ର-ଓଡ଼ିଶା ବର୍ଡର ଡିଭିଜନ ମାଓବାଦୀ ସଙ୍ଗଠନ ପାଇଁ ସେମାନଙ୍କ ପରିବାର ଉଜୁଡି ଯାଇଛି ବୋଲି ପୋଷ୍ଟରରେ ଉଲ୍ଲେଖ ରହିଛି। ବନ୍ଦ ଡାକରା ସମୟରେ ଲୋକଙ୍କ ଉପରେ ଦାଦାଗିରି, ବସ ଚଳାଚଳ ବନ୍ଦ ନ କରିବାକୁ ସମ୍ପୁର୍ଣ୍ଣ ହିଂସା ମୁକ୍ତ ଓଡିଶା ଅଭିଯାନ ଚେତାବନୀ ଦେଇଛି।
ସୂଚନାଯୋଗ୍ୟ ଯେ, ଆନ୍ଧ୍ର-ଓଡ଼ିଶା ବର୍ଡର ଡିଭିଜନ ମାଓବାଦୀ ସଙ୍ଗଠନ ପକ୍ଷରୁ ମଙ୍ଗଳବାର ଦିନ ମାଲକାନଗିରିରେ ବନ୍ଦ ଡାକରା ଦିଆଯାଇଛି। ମାଓବାଦୀଙ୍କ ବନ୍ଦ ଡାକରା ଯୋଗୁଁ ସମଗ୍ର ଜିଲାରେ ସରକାରୀ ବସ ଚଳାଚଳ ବନ୍ଦ ରହିଛି। ଏହାସହ ଜିଲା ସଦର ମହକୁମାକୁ ଛାଡ଼ି ଅନ୍ୟ ଅଞ୍ଚଳରେ ଦୋକାନବଜାର ମଧ୍ୟ ବନ୍ଦ ରହିଥିବାର ଦେଖିବାକୁ ମିଳିଛି।
ମାଲକାନଗିରିରେ ମାଓ ବିରୋଧି ପୋଷ୍ଟର
Popular Categories
Previous article
Next article